#حصاد-ألمواسم
👇
#فراقد
👇
#ألحلقة(( ٢ ))
÷÷÷÷÷÷÷÷÷÷÷÷÷÷÷÷÷
هديل //عمة راعوث سلكتني براشدي طيرت راسي
دخت وأذاني صارت بيا وشه ...
ضربتها صارت على أذاني
مااعرف شصار عندي تمددت بالكاع ونمت .......
كعدت شفت نفسي نايمة بحظن عمة أديل
وكاعدين بالسياره،،
بقيت بحضنها لحد ما وصلنا لبيتنه بمنطقة الشعب...
دخلت للبيت اكو نسوان موجودات جوه
كاعدات ناس بصف ناس......
وجم بنيه واكفات بالمطبخ يسون كهوه وجاي
أباوع بالوجوة مااعرف هواية نسوان
بس جم وحده من الجيران وأكو بيهن يبجن ....
وأكو بيهن ساكتات .....
بس شفتهن كلهن لابسات لون أسود
ردت أروح للتواليت هوايه متحاصره
صح أعرف أروح وحدي
بس تكرمون مااكدر أشيل البريج ثقيل مال نحاس
أمي تشيله اليه واني أغسل .....
كلت لعمة أديل تعالي ويايه
اجتي دخلتني وبقت واكفه بالباب
كتلها //تعالي ساعديني
كالت //أنتكلي على نفسج
بقيت أبجي هسه شلون أغسل ؟؟
عاد هي راحت جابت صوندة صغيره مو حيل طويله
وشكلتها بالبوري وكالت// منا وهيج أنتكلي على نفسج
انتي كبرتي ....
غسلت المي بارد رجعت أبجي بصوت عالي
امي تسولي مي دافي...
مو هيج بارد تخاف عليه اتمرض...
لان بس أبرد مااكدر أتنفس صدري يقبط....
الا تاخذني للمستشفى ويخلولي قناع يجي بي هواء
يلا أكدر ارجع أتنفس زين ....
عمتي اديل عافتي وطلعت
اني هم غسلت شلون ماجان....
وغسلت ايديه ورجليه وجهي ....
ونكعت شعري شويه....
لان كذلتي تنزل على عيوني تضوجني
طلعت وكعدت يم بيبي ...
مددت وخليت راسي بحظنها
هي تسولف ويه النسوان وتحجي بالعربي
اني أفتهم عربي ومسيحي .....
أحنا بالبيت كله نحجي مسيحي
وبالشارع من العب ويه الجهال احجي عربي....
واسمعها تحجي وتسولف عود مقهوره على امي
غفيت بحظنها .......
كعدوني ،تعالي خالج يريدج !!
بقيت اباوع بوجهم منو خالي ؟؟
ليش خالي مو شهيد وصاعد بالسماء
هذا منو أنوب جاي جديد وصاير خالي !!
طلعت بره مخلين كرويتات خشب وكراسي بالشارع
وهوايه رياجيل موجودين ....
بالباب وشالني رجال وحظني وكام يبجي ...
باوعت بوجه يشبه امي هم شعره أبيض...
وعيونه خضره فاتح ...
وجهه أبيض على أحمر
كتله //أنت منو ؟؟
جاوبني// أني خالج أدمون
كتله //أني مااعرفك
كالي// أني اعرفج ،
انتي بت أختي الصغيره شهلاء
بس هي ماسمعت الكلام وحبت أبوج
وغصباً علينه تزوجته ........
كتله //أصلا بابا شامل هوايه يحبها
حتى يجبلها أكل وياه من يجي من الشغل
ويشتريلها ملابس ......
وحتى طوك أبو الخرز وقراصة جابلها.....
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
