ألحلقة ألرابعة وألعشرون ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----/////-
مايسوه ألزعل ... راضيني مو مليت
على كولت أهلنه ألدنيا خلصانه ....
----//////----//////----/////-
والله حالتي تبجي الكافر....
ما خليت لا شعر ما ملختة...ولا وجه ما خرمشتة
عيوني كامن يوجعني من كثر مابجيت
أحتركت...أنقهرت...متت...أنحمست روحي
كل هذن ألكلمات ما يعبرن عن حالتي .
باوعت على محمد وكتله//طلكني ما أكدر بعد أبقى وياك .
ما حاجاني...ولا رد علية...لزم راسة وكعد على ألقريولة
وبسرعة أنجطل على ظهره...
بس كال//ناديلي باقر ... وكام يفرك بصدره .
ما أعرف شصار بي...فد خفت علية...وأني مقهورة منه
كلبي ما أنطاني أشوفة متخربط كدامي وكلشي
ما أسوي...طلعت من غرفتي بسرعة ...
ورحت على غرفة باقر...لكيتة كاعد يبدل يريد يطلع
كتله //باقر تعال على عمك ما أدري شبي !!
باقر بسرعة راح ألغرفتنة...
أنتم مو حسبالكم باقر بس طبيب أبو ألصيدلية
لا باقر كلشي يعرف...صاير مشكل يالوز بسوالف ألطب
يقس ضغط...يضرب أبر...يخيط جرح...ينطي علاج
،يشد كانونة...شكو شغلة مال طب يعرفلها
يكول//تعلمت شغلات خفيفة غير أختصاص الصيدلية
حتى أفيد بيها ناسي أذا أحتاجوني.
لحكتة بسرعة...وطبيت وياة للغرفة
هو راح على محمد كاله //خيرك أبو جاسم ؟؟
كاله //باقر راسي راح ينفجر الصداع ملخني
وقلبي أهجسة راح يطلع من بين ظلوعي
باقر سأله //وين علاجك خل أشوفة...
أنوب كالي//هديل روحي جيبي جهاز ألضغط
من غرفتي .
ركضت أجيب جهاز ألضغط من غرفة باقر...
وعلاوي صاح علية...باب غرفته مفتوح وشافني مستعجلة //خير هديل شصاير .... ؟؟
كتلة//محمد تخربط ما أعرف شبي .
علاوي طفر من غرفتة وراح على محمد .
أني جبت الجهاز من غرفة باقر ...
ومن طلعت لجحت أبوية طب ألغرفتنة .
طبيت ركض للغرفة...لكيتهم واكفين فوك راس محمد
ومخبوصين عليه ويسألوه// شبيك وشعندك...
وباقر يفتش بجيس ألعلاج مال محمد
كاله //أبو جاسم هذا أللجام لا تاخذة بعد
يسببلك هاي الأعراض .
محمد جاوبه //لك باقر ماعندي غير بديل
جنت أخذ ألسنافي دمرني...يشنجني ويبس جسمي كلة
كاله //ما كتبلك ألطبيب فياكرا... ؟؟
جاوبه محمد//خلي تولي لعبت روحي منها
تشلع كلبي من ظلوعي...تشغلي دمام من قوة ألنبضات
جاوبه باقر//لا تأخد من هاي سوالف بعد
بين ما أدورلك على فيافاج هاي ألوجبة جاية جديدة للعراق...يكولون عليها خوش نوعية
أنت تقرأ
حصاد المواسم
Genç Kız Edebiyatıلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
