ألحلقة ألثالثه ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----
صباح ألخيرات وألمسرات وألعافية 💐⚘🌷❤
××××××××××××××××××××××××××
أحبك مو لأن انت حلو...لا
لأن روحي التقت گبلي... ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك
-----------------------------------------
كعد محمد خايف ومرعوب...ويتنفس بسرعة...
وبقى يتلفت بالغرفة كالي// أنطيني مي
جبتله الدولكة وأنطيته...أخذها من أيدي وصك عليها
وبعدين ورث جكاره ...
وكالي//طفي ألضوة وتعاي نامي
هديل أتعلمي على هذا ألضيم...ولا تخافين مني
أنا مايوم نمت مرتاح...حتى بنومي أبقى قلق وخايف
طفيت ألضوة...ورجعت أنجطلت بمكاني
أباوع علية...بقى كاعد على حيلة كمل جكارته
ورجع أنجطل بمكانه
شكد كسر خاطري..تقرب علية وخله راسة على صدري
سمعت صوت شهكة...مديت أيدي على وجهه
منكع دموع...هو لزم أيدي عصرها..وشهك بصوت عالي
حتى جسمة كام يهتز من قوة شهكتة...وبجه بصوت عالي.
فد كسر خاطري...وكلش خفت عليه
كتله //محمد شبيك...وبجيت وياه.
كالي //هديل أخاف...تعرفين شنو معنى كلمة أخاف
كتله//محمد سولفلي شبيك...أني مو صرت مرتك
والله أحبك...وأموت عليك...والقرآن أخاف عليك
لا تسوي هيج.
كالي//هديل مو تعاينيلي بالعين ألصغيرة لأن كتلج أخاف...تدرين مرت عليه أيام سودة بس الله خلصني
منها...ومن ظلم ألبشر ألنكس ألجرم بحالي .
كتله //لا والله محمد حشاك...أنت هذا ألهوه أليصعد وينزل بروحي...أبد ما أشوفك بالعين ألصغيره
سولفلي شبيك.
بقى مخلي راسه على صدري...وحظني بيدة
ويبجي ويسولفلي شصار وياه ...
أسمع كلامة...وأبجي وأناشق وياه على ألقهر ألشافه.
حجالي شلون ماخذي الأمن...وشلون معذبينه تعذيب نفسي وجسدي...وحتى شلون مسكطين رجولته
وشلون مأذينه..((ما أريد أذكر تفاصيل ألتعذيب الله يكفيكم ألشر 😭😖))
بس كلش قهرني...من كام يبجي بصوت عالي
وكالي//ولج هديل من كثر ألتعذيب ماعرفت ألمرحوم ناهض...جابوا وكعدوا كدامي على ألكرسي ألحديد وماعرفته.
وألمصيبه...جابوا حياة سحلوها كدامنه
وهي تصيح وتبجي//محمد خلصني
ولج هديل بقت أعاين بوجهه...وأشوفها حبلة
وبطنها جبيرة...وأريد أكلهم عوفها...خفت وسكتت.
ولج هديل خفت من ألكهرباء...يبسوا جسمي بيها.
أنت تقرأ
حصاد المواسم
Literatura Kobiecaلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
