#حصاد-ألمواسم
👇
#فراقد
👇
#ألحلقة((٢٤))
××××××××××××××××
حنيت ألك صوت وشكل ودمعه وقصيده وسالفه "
حنيت الك بواهس طفل والدمعه حد شفايفه "
مرني ولك ،،....شوف شحصل ؟
تلگاني كلشش مختلف
وعيوني ذبلهه السهر واصبحت كلششش،،ناشفه
-----------------
سلموا عصام ومحمد على كل الموجودين
وطلعوا البغداد ....
كميلة ... شمرت شوية مي بالطاسة الفافون وراهم
وألسيد كال لعصام ولمحمد// أكعدوا بنفس الفندق
خافن أمرلكم ...حتى لا أتيهكم
ألسيد كال لكميلة// رتبيلي ألهول يجون عليه خدام المرقد ... لو زلام المنطقة ....
وراح كعد بغرفته .
كميلة ... ونور كامن على البيت ...وياهن بنات طوعة
وبدن يغسلن بالفراشات بالحمام ... ويوشلنها
وأنوب يشرنها بالمراح ... لو وين ماكو مكان فارغ
حايط ... عمود قوي ... يشمرن عليه الفراش
أباوع على طوعة ... خطية كاعدة بالهول
وتباوع على مكان أمها ... ودموعها تصب
ألسيد شغل مسجل جبير...لونه جوزي...وسماعاته لونها رصاصي ...وخله بي بكرة تقرأ قران
يالله ... صوت الرجال اليقرأ شكد حلو
بس يعجبة الواحد يسمع ....
أنتبهت على باقر ...كعد بصف المسجل
يسمع من الرجال .... ويعيد وراه
ألصراحة صوت باقر مو هلكد حلو
طلع ألسيد من غرفتة لابس دشداشة
ولاف الغترة على بلعومة ...
وأجى كعد يم أختة طوعة بالهول ...وبقى يسولف وياها
أني كلت بروحي// خلي أصير نادره على كولت نور
ركضت للمطبخ ... وحميت الجاي
وصبيت أستكانين ...للسيد ... وطوعة
أجيت خليتة كدامهم ...كتله// تفضل بويه
هو ألسيد شكد ماحزين.. بس حسيته فرح بالكلمة
كالي // يحفظج الباري يا بويه
أباوع عليهم ... والله شربوا الجاي
كتلها// هااا عمة طوعة طيب الجاي
هي مگدرة وحزينه ...أبتسمت أبتسامة صغيرة
وكالت // أي يالنادره طيب ... بس شويه ضخين
كتلها// هسه أسويلج جاي خفيف
كالت// لا يعميمه أنا موش شرابة جاي
يادوب أستكين ألصبح كد اللكمة
والعصر حتى راسي لا يثيل .
أخذت من عدهم الاستكانات الفارغة
ووديتهن بالمطبخ واكفة أغسل بيهن
وأسمع صوت أم جمال ... وبتها أزهيران أجن
ألمشكلة ... لا مو مشكلة
بس هو الحق يقال ...
أزهيران شاطرة ... ونادرة ... تلكف ألشغل لكف
يعني ماطول ساعة تسوي ألبيت يلج لج من النظافة
أم جمال كعدت يم طوعة وألسيد
وهي أزهيران لزمت المطبخ ...شنو غسل المواعين
شنو مسح ..وكنس
أنوب راحت سألت كميلة وأجت ...
عجنت معجانه ...يمكن خلت بيها نص وزنه الطحين
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
