ألحلقة ألسادسة ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
×××××××××××××××××××××××××××××××
سميتـــك نفـــس لو ينكطـــع ماعيـــش
وسميتـــــــك حبيبــي وروحـــي سميتـــك
عفت النـــاس كلهـــا ومـا عشكـــت انســـان
بـــس انـــت اعجبتنـــــي و حيـــــــل حبيتــــــك
اعز منـــــي عليـــــــه وغالــــــي عالـــــــروح...
عليــــــك أجــــــــذب أذا فــــــــديـــــوم مليتـــــــك
-------------------------------------------------------------
رجعنه للفندق...بالطريق تعشينه بمطعم صغير
بالحرام ألاكل بره فلا طيب...بالكوة أتجرعة
ومحمد أشتره جم حاجة حلويات...وحب شمسي
ورجعنه للغرفة ...شويه تغيرت نفسيتنا
وأحس نفسي مرتاحه.....
أول ماطبينه للغرفة ... محمد طب سبح
وبعدين راح لف راسة ونام .
وأني بقيت كاعدة وحدي ضايجة ...
شربت علاجي ... ورحت أنجطلت بصفة
صفنت ويه روحي ... وأتذكرت كلام ألدكتوره
كالتلي// من تخلصين ألعلاج تحبلين.
ومحمد كال لأنعام ... مايصير عندي جهال
بس هو يجذب عليها ... والله كلشي مابي .
قررت ويه نفسي...من هسه أتقرب على محمد
حتى من يخلص ألعلاج أني صايره حبله....
هم حقي أريد أصير أم...ويصر عندي كومة فروخ
كمت سبحت بسرعه...وبقيت بس بالداخليات
وتقربت على محمد...خليت بطني لزك على ظهرة وحظنته بيدي...هو فز وضاج كال//توووو
وبعد أيدية عنه.
كتله //محمد حباب أريد أسولف وياك....ما جاوبني
رجعت كتله// ليش ما تحاجيني ...؟؟
كالي//هديل وخري عني...ضايج وتعبان ونعسان.
كتله //محمد حباب بس أحجي وياك
أني قررت من هسه أحبل...وأريد أصير أم حالي من حال كميلة .. ونور .
جاوبني//هديل وخري عني...ماكو مزاج ما أفيدج
وخري عني روحي طافرة من ألحر .
كتله // ماااا اريد أحبل...وأجيب جاهل صغير
رجعت لزكت عليه .
كالي//ولج ألعوبة أفتهمي ما أكدر أطخج...أخاف عليج
لا تصير عندج مشاكل...موش دكتوره منعتج لو أنا متوهم .
كتله//وشعليها ألدكتوره...وشعلية ألكوي بالحباله...
مو هذا ظهرك...وبطني كلشي ما بيهن.
هو نايم ومنطيني ظهره...وأني لازكة بي مثل ألگرادة
يمه ألتفت عليه بسرعة...كتله //شبيك خوفتني
عليش معقج حواجبك .
كالي//هديل لا تسوديني معقولة ما تعرفين ألحد هسه
شلون يصير ألحمل ..؟؟!!
جاوبته بكل ثقه كتله//أي أعرف...من تزوجت نور سألتها شلون يصير ألحمل...كالتلي//ألجاهل يصير من ظهر أبوه
واني كتلها//يعني تخلين بطنج...على ظهر حسيون وتحبلين...هي أتفشلت مني،،،لأن عرفت ألسالفة وكامت تضحك...وبوكتها من فشلتها كالتلي//كومي جيبلي كلاص لبن جامد جانت تتنسى .
أنت تقرأ
حصاد المواسم
Chick-Litلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
