#حصاد-ألمواسم
👇
#فراقد
👇
#ألحلقة((١١))
÷÷÷÷÷÷÷÷÷÷÷÷÷÷÷÷÷
مدري شلون يبقة يعايش الناس
اليفك عينة علة امة ومالكاهة
امي عدال دنية تكفي وتزود
دنية بلاية ام من امداهة
××××××××××××××××××
السيد كال / كميله خفي ايدج على الريوك
وانتي حياة اركض بعد أخوج وياها
وياعمي يا ساجت أنت خليك بمچاني
عواطف الله يرحمها ... شكد عاندت
وباعت كل العدها وشالت البغداد ،
وجنه شويه مأمنين عليها وعلى بناتها
لان السيد محمد بعده موجود وسعدي موجود
وهل شوفت عينك جار عليهم الزمن والبشر
والموت حگ اخذ السيد ... وعواطف
وسعدي غايب لليوم مانعرف مجانه
وانتوا ياعمي هم قصرتوا من شالت عواطف
لا مشيتوا وراها ولا وره بناتها ولا نشدتوا عنهن
ومن جنت أمشي لوزارة الأوقاف بغداد
علمود سالفة تثبيتي خادم بالمرقد الطاهر
جنت امرن على عواطف وبناتها
ومن بعد ما الله كتب قسمة كميله وياي
اتواصلت اني ويه العايله ،
لچن وصلت بوكت متاخر
ولكيت أقبال طالعه عن الطريق ،وضربتها
وهي ماقصرت شمرتني شهر بالحبس
أكلت تبن شفت انواع تعذيب
بحيث ماطلعوني ربعها ... الا اخذوا عليه تعهد
بعد مااوصل لبغداد ....ولا اوصل لبيت سيد محمد...
يلا طلعوني
وأنسجنت شهر وجرعت المر وأني لا ماكل ولا شارب
بويه عدها جماعة كلهم تحت امرها
كلهم يسولفون باأسمها
اني الصراحة خفت على أخوي محمد
خاف يسمع بسالفتهن ويسويلنه طلابه
ويروح جلده للدباغ
وهل بلغت الكل من وره الضيم الشفته بالحبس
ان البنات سحبهن عمهن جليل الاغم للكويت
الرجال عزام صاااح// باطل عليك يا فاضل
من شوكت أحنه نخاف من الحبوس
لو تتحكم بينه مراه
سيد فاضل كاله / عمي موش شغلة خوف
بس شغلة جفيان شر
أنت كلي سيد محمد وينه
موش شالوا من حظن عايلته وعدموا
وسعدي وينه موش طلع ولليوم مارد
وهادي أخو محيسن رجل انتصار موش هم أنعدم
علساس رفيج سيد محمد وياه بنفس الدرب
جاوبة الرجال ساچت وكاله /
موش أحنه النخاف من الموت
وغسل العار واجب علينه
واذا ما غسلنه عارنه أحنه النصبح عارات
سيد فاضل كاله /عمي بكيفكم شتردون تسون سووا ،،
اني عن نفسي مالي دخل بيهن
الكهرباء لهسه تاكل بجسمي
وماادخل خوفاً على أخوي ... وأولادي
موش تحسبون أني جبان
بس شغلة تقيه .. وجفيان شر
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
