#حصاد-ألمواسم
👇
#فراقد
👇
#ألحلقة((٣٨))
××××××××××××××××
مساء الخيرات والمسرات والعافية حبايب ❤❤
××××××××××××××××××××××××××××
ألعصر رحت على سهاد...صارلي هواية ما رايحة عليها
أخذتلها وياية كلاصين لبن جامد...ناكلهن سوية ...
ونسولف شوية.
من وصلت ألبيتهم لكيتها كاعده...وتحف بشوارب أختها سعاد...سهاد من كل عقلها تحب هاي ألسوالف
تتمنى يصير عدها صالون
سلمت عليهن...وخليت الكلاصات بالثلاجة...وكعدت يمهن ....وهن أستلمني // صايره شسمنج
وجسمج خربان من السمن ...
وكافي تاكلين ...ليه ...وشحم... وتكلاه
وكافي تشربين الحليب وألبيض
كتلهن // ما أكدر مو بيدي أحب الأكل
هي سهاد كامت ...وسوت شوية شيره
وكعدت هي وسعاد ...خرطن أيدهن ورجليهن
سهاد كالت // أخرطج ويانه...؟؟
كتلها // نور متقبل أسوي أيده ورجليه ...
وشوفيهن نظيفات ...ما بيهن شعر ميطلع
وحتى أذا يطلع ...يطلع ألشعر أشقر وناعم
حرامات أخرب جسمي
عاد كالت//خلي أخرطلج الأماكن ألترفة وأنتف وألديج
وصدك كعدنه بالغرفة...وصلخت جلد ألخلفوني
وأني ما أخلي ولا وحدة تشوفني غير سهاد
هي أختي ...وصديقتي
أنوب صفنت علية كالت// أكلج أني مو أختج..؟؟
كتلها //أي أختي.
كالت //ترى بعيد مايصير ما تلبسين ستوته جسمج كله يهتز من تمشين.
كتلها // أني أعرف وألله ...حتى أستحي
وأبقى دوم لأبسة أتك وكلبية عريضة...وأغطي بروحي من ألولد...بس شسوي أستحي أكول لكميلة لو نور يشترلي...ألمفروض هن ينتبهن...أني ما أكللهن لو أموت
عاد هي طفرت وطلعت بره ألغرفة ....
ورجعت بيدها علاكة لافتها جوة أبطها ..شمرتها عليه
كالت//هاج هذني أثنين ...دبري نفسج بيهن
بكتهن من سعاد...عدها كوومه ...شكد تشتري ملابس داخليه ...ما أعرف تلبسهن لو تاكلهن .
أخذت ألعلاكة ...وشكرتها بالجذب
شكر خوات ...قبل لا نكون صديقات
وردت أطلع من ألغرفة أروح للحمام أغسل
صاحت علية كالت// أكلج ألفاهية غسلي وردي علية عندي شغلة وياج ضرورية...أريد أجربها براسج حتى أتعلم .
رحت للحمام غسلت ...لا سبحت إلا شوية
ولبست ألملابس ألداخلية...جسمي فد فرق وترتب
وين قبل جنت...أني وصخلة سوية من تمشي وتهف بدون شملة .
بس أستحيت بالأكثر...ما أدري أحس ألناس راح ينتبهون عليه...ويشفوني أكثر ...بقيت أضم بجسمي
فد مستحية...بس لازم ألبس بعد ما ترهم
لان جسمي سمين ...وصرت جبيره
رجعت على سهاد للغرفة...ولكيت سعاد كاعدة يمها
راحت تخبز وخلصت ...رجعت كعدت يمنه
كتلها // هاا شتردين ..؟؟
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
