#حصاد-ألمواسم
👇
#فراقد
👇
#ألحلقة((٤٥))
××××××××××××××××××××
بعد ما جابتلي سهاد ألجاي ....
وكعدنه نسولف...سألتها//سهيدان أريد أسالج سؤال
شنو يعني من رجال يكول //رجولتي أسكطت ؟؟
باوعتلي وكالت// منين سمعتي هاي ألكلمة ...؟؟
كتلها //محمد جنية يكول//لأبوية رجولتي من ألحبس وألتعذيب أسكطت...يوم عادي وسنة مسكط
وكاعد يراجع هو وعصام يم ألدكاتره .
باوعتلي بنظرة مركزة بوجهي...عودين تسوي نفسها فهيمة...كالت// عايني يالهايشة بحسب معلوماتي
ما أعرف معنى ألكلآم بالضبط ... !!!
بس هو عندة لحية وشوارب وصوته يرعد
يعني زلمة ...!!!ليش يكول رجولتي أسكطت... !!
أكلج خافنة يقصد على ألرجفة الموجودة بيدة ...
لو لان جتافة مخلعة...ما يكدر يشيل ثگل
ويعاين نفسة مو زلمة كامل نفس باقي الأزلام .
هي طفرت من مكانها...وكالت// هسة أجيب أمي هنا وسأليها...ألسالفة تخص معشوگ ألكلب ...لازم أني أعرفها ... قبل لا أنتي تعرفيها .
صدك طلعت من ألغرفة تركض ...
ورجعت وياها أمها...المرأة بقت مستغربة من خبالات سهاد...تكلها//خايبة شمالج أدفعين بيه...أنطيني عطوة أمشي وأندل دربي .
بسرعة سهيدان كالتلها // يمه هديلان ألخايسة
تريد تسألج سؤال ... وأضنج تعرفين جوابة
عبنج متزوجة ... وتعرفين للزلمة أكثر من عدنه .
هنا أمها غمتها...وكالتلها//ذابحة روحج على ألزلمة
وألعباس بس كوا... يدك بابج ...إلا أعكلج براسة
هي تكلها// يمه أنتي لا توافقين على ألزلمة بسرعة
تأكدي منة...كونه عصبي...ويرعد...وماعندة أخلاق
يكومني بكتله...ويكعدني بكتله...أريده كونه يشحطني من ألكتل ...يلا توافقين علية
من صدك ضحكت على سوالفها...والله مخبله مو صاحية .
اي وحجيت ألسمعتة من كلام محمد جنية لأم سهاد.
شو هي تقربت علية ...
وكعدت يمي ... وبقت تحقق ويايه
وسألتني// متاكدة من كلامج لو لا ؟؟
واني حلفتلها بالعباس متأكدة من كلامي ...🤦♀️
وسمعت ألحجي الدار بين أبويه وألمصروع كلش زين
بس أستغربت من سألتني//يعني سيد محمد هسة هو والمأكو سوه ...يعني رجولة ماعنده !!
وأني جاوبتها وبكل ثقة //خالة أني سمعتة يكول لأبوية رجولتي أسكطت من ألحبس وألتعذيب
يوم عادي...وسنه مسكط...وكاعد يراجع هو وعصام يم ألدكتور .
هي جاوبتني//خالة لا تسولفين هذا ألكلآم جدام واحد عيب ...معناة ألسيد بعد ما يخلف...ما تصير عندة بزره
أني فد أنقهرت على ألمصروع...من سمعت بجواب أم سهاد...خطية يعني هو يدري بعد ما يصير عندة جهال؟؟
أنت تقرأ
حصاد المواسم
أدب نسائيلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
