#حصاد-ألمواسم
👇
#فراقد
👇
#ألحلقة(( ٢٧))
××××××××××××××××××
من تقربنه على العنوان ... وصلنه كدام الباب
بقيت أتلفت بالدربونه ... وأباوع يسرى ويمنى
عرفت بوب الجيران ...جم باب على حالها
باب بيت أبويه شامل فقط لونها خربان
كتلها // نور هذا بيت ابويه شامل ...............
هي كامت تبجي بصوت عالي ....وكالت //جبت الطريق كله أدعي كون يطلع العنوان غلط ...ياربي شلون بيه ... ليش مكتوب عليه بس الفراگ .
محمد دك الباب ...
ونور تخبلت من البجي...وانطت ظهرها النه
وسدت حلكها بيدها وكامت تبجي بصوت عالي.
مو ثواني مرت.... لا لحظات تكطع الأنفاس
أنى وأكفه وأباوع على الباب ... منو الراح يطلع علينه...
أتعجب على روحي
شبيه أنى ...ليش صايره بدون إحساس ومشاعر
رد علينه صوت ولد ... كال// منو بالباب
جاوبه محمد ألمصروع // خطار خويه
هذاك صاح من جوه // ألف هلا بالخطار
فتحلنه الباب ولد شاب ... شوية أكبر من عمري
بقى يباوع علينه مايعرفنه ...
وحتى أني ما عرفته هو منو ؟؟!!
محمد سلم عليه مصافحة وكاله // هذا بيت شامل
أبو هديل
الولد كاله // لا يابه غلطان بالعنوان !!!!
نور باوعت على الولد وحجت بسرعة
كالتله// خاله هذا مو بيت شامل أبو هديل المسيحي
وبيت كامل المسيحي
الولد جاوبها // لا والله خاله غلط بالعنوان
هذا بيت أبو توفيق ..صارلنه سنه من نازلين بهذا البيت
أحنه بقينه واحد يباوع بوجة الثاني
تاهت علينه السالفة ...
محمد رجع سألني// هديل انتي متاكدة من ذاكرتج
هذا بيت أهلج ...
حركت راسي يعني أي ...
وكتله // هذا بيت أبويه شامل ...
أنى متاكده نفس الباب ...ونفس البيت...وحتى هاي بوب الجيران نفسها
طلع وره الولد رجال جبير وكال لمحمد// تفضل أخي بيش أكدر أساعدك
محمد كاله// عدنه أمانه لبيت شامل أبو هديل المسيحي ...أصحاب هذا الدار ...وأجينه على العنوان
الرجال كال لمحمد // صحيح كلامك
أصحاب هذا الدار يكولون عليهم الجيران كانوا من اخوانه المسيح ... بس هذا الدار أصبح ملكنه ...
من قبل سنه أشتريناه من الدلال ...والملك كله لله
أذا تحب أستفسر من الجيران
بقى الولد والرجال ... واكفين بالباب
ونور تراقب كل حركة ... وكل كلمة يكولها الرجال
وكميلة شلشوها جهالها ...أثنينهم يبجون
أنى وأكفه وأباوع ...
وما أعرف ليش بهذيج اللحظات جنت مجرده من اي مشاعر اكدر أذكرها ...اذا جانت سلبيه لو أيجابيه
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
