ح ٤٠

16.8K 1.5K 672
                                    

#حصاد-ألمواسم
👇
#فراقد
👇
#ألحلقة((٤٠))
××××××××××××××××××

ماكلـــــك أشســـــــوى أفــــراكـــــــك أويــــــاي
جســـــــد والـــــــــروح تطلـــــــــع منــــه بهــــداي
يــالمــا طــايـــــــح امـــــــــن الســــانـــــي طــــــرواك
الســـــانك ليـــــش مــاطــــــاح اعلــــى طـــــرواي؟
بجيــــــت أبمـــــــاي وجهـــــي ومـــــاي العيـــــون
مــــن كــــونـــك صخــــر هـــم جــاشبــــع مـــــاي
-------//////////---------------//////////---------------

يمكن مر أقل الأسبوع وأني فرحانه
خلصت من خطوبه أبو أبراهيم ألحقير

بوكت ألمغرب وأجتنه مرت باسم...أبن عمهم عزام شايطة...وتبجي ...وتصيح من الباب //
وينك أبو عطأ ألحكلي راح ينهجم بيتي

كميله كامت بوجهه ...
واني والله انقهرت عليها...ركضت وجبتلها مي بالدولكة

وهي مفرفحة وتبجي ...شايله أبنها على أيدها
يمكن عمره سنه ...شمرته بالكاع
وتربعت بنص ألهول ...وكامت تلطم على رجليها

ألسيد جان يبدل بغرفته هستوه أجى من ألمرقد
طلع بسرعة عليها..ويكلها// شبيج بسمة شصاير وياج

وهي تصيح وتبجي //أبو عطأ من فدوه أغديلك
باسم راح يتزوج علية

ألسيد عكد حواجبة وكاللها //شنو سالفة
منو كالج ...؟؟؟

هي كالتله// مرت عمك ألحية أمة (أم ناهض)
طلعت زعلانه...وراحت لبيت ناسبتها...بيت تغريد
تكول للولد//وأحد منكم يشمر عباته على ندى مرت
ألمرحوم ناهض...علمود فريخاتها لا يدولبهم ألوكت

جاسم...يخاف من مرته صاكرته ألكرديه ألفيليه ألبرعة
شرد منها ...وخلاها تعربد وحدها .

ونامت بخوانيك باسم ...تعال أخذ مرت أخوك
وهو يكلها// يمه ما أشتهيها أشوفنها أختي
وهي لطشت عليه//لو تعرس عليها لو أهج من ألبيت.
وطلعت زعلانه ...ومشت لبيت تغريد

ألسيد كاللها//بويه هدي روحج ...وأنطينه عطوه
نفتهم ألموضوع

اني ما الله هداني وسكتت ...
كتلها //بسمة ليش ميتزوجها عصام
مو يريد يتزوج على مرته...لان عوبه وسخة
وشالعة كلبه .

هي هزت أيدها وكالت// شوف هاي شتحجي
ولج عصام مرته زانكته زنك ...يكدر يتنفس
والله إلا تشره على ألحبل .

بس ألضيم يمي...باسم ما يكدر يرفض طلب لأمة
يكول// هي جنتي وهي ناري

أنوب باوعت على كميلة ...تكلها// أكلج خية أم عطأ فدوة أغديلج...أمشيلي على ندى بالبسكوت
وكليلها // لا ترضى بقسمتها من باسم
وعلي تهجم بيتي ...وتجهول فروخي ...
أذا رضت بقسمتها من عنده .

كميلة بقت ساكتة ...ما تعرف شتكللها

شوية ودكت ألباب...وباقر راح فتحها...طلع باسم
هم أجى ...وبقى يشكي يم ألسيد
يكله //ما أكدر أخذ مرت أخوي
ما أشتهيها...وأشوفنها أختي...والعباس صعبة

حصاد المواسم حيث تعيش القصص. اكتشف الآن