ألحلقة ألحادية عشر ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----/////--
نمتي ..... هنيالچ غفيتي ..
وآنة ليلي يمر على عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!
---------------
محمد //طلعت ألعصر ألورشة ألنجارة...أطكطك بالشغل شوية وألهي نفسي...ويه باسم أبن عمي عزام
هو أللازم ألشغل بيها...أسطه معدل وشغلة نظيف.
ومشه ألوكت...بعد ما طكطكت جم شغلة بسيطة
وقفلنة ألورشة لأن غوربت ألدنيا...ورجعنه لبيوتنه.
بالطريق باسم طلب مني فلوس...يريد باجر ألصبح ينزل للولاية...يتسوك ألنقوصات ألتخص ألورشة وألشغل
رجعت للبيت...وهو أجى وياية حتى ياخذ ألمبلغ ،
أحنه متفقين تقسيم ألوارد بالنص ...
ومشتراة ألغراض هم بالنص...
بس ألشغل علية هو ألاسطه...
وألورشة جاهزة بكل ألالات وألمعدات..ألتخص ألنجارة هي ملك أبوي الله يرحمه...بعتبار باسم مأجرها مني بلاش...يعني شغلنا شرگة بيناتنه
هو بتعبه ....وأنا ألية ألمكان وألغراض .
بس قبل فترة حاجاني باسم بموضوع...
وخايف أزعل علية...إذا ترك ألشغل بالورشة
وبوكتها كتله//أنطيني مجال بس أعاين دربي...
مرتي مريضة ودايخ بحالها.
وألصراحة أنا ألاحظ علاوي صاير أشطر منه بالترتيب وألتفصال...كلت//بالعطلة ألصيفية على فرغة علاوي
أفاتحة بالموضوع...خلي يستلم ألورشة بدلة...وما بيها عيب...هم علاوي صار صاحب عايلة ومسؤولية وباسم...يريد يفتلحة ورشة جديدة هو وأخوة جاسم مال سمكرة وتصليح سيارات...وبعد كلمن ياكل رزقة.
طبيت للبيت..وباسم ماقبل يدخل..
بقى وأكفلي بالباب...مستعجل يريد يروح لبيته...
بالعافية علية...عنده أثنين نسوان معيشاته ملك
والله مرات من يسولفلي...أتعوذ ألشيطان خاف
لا أحسدة بدون ما أقصد .
من باب ألشارع...وأسمع صوت ألتلفزيون عالي
طبيت للهول...أعاين ألبنات كاعدات يم كميلة
مسويات كليجة يصنعن بيها .
بس هديل ماكو وياهن....!!
وصوت الأغاني جاي من غرفتي...طبيت وأنصدم بشوفتها...مسودنه تمام...خفت لا وأحد يروح يشوفها كلشي ما لابسه...ربي كما خلقتني..طبكت ألباب بسرعة وتوجهت عليها...شلت دشداشتها من ألكاع أريد ألبسها
وأسترها...وهي تولتني كفخات...أريد أسيطر عليها
ما أكدرلها .
وأنوب كامت تبجي وتصيح//وخر عني...أنت زفر تخنكني .
أنا لأحظتها موش طبيعية...عيونها شابحة على ألباب
وجازه على سنونها...وكلش قوية..أتلاوة ويه زلمة سبع
ملختني بالكفخات..بشفاعة محمد يلا لبستها ألدشداشة
أنت تقرأ
حصاد المواسم
Chick-Litلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
