ألحلقة ألرابعة ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
————//////———-//////———
شنو يسوه العمر لو زفتك تفوت
تصير ألغيري عندي الموت أرحم
أذبح ضحكتي لو كالوا أفـــــلان
لبس باليسرى حلقة البيها أحلم
××××××××××××××××××××××××
طلعت لباب الشارع...والله لبست ربطتي
بس فتحت ألباب شوية...ومديت راسي للشارع
أصيح على واحد من ألجهال يصيحلي علاوي لو واحد من ألولد يجي يأخذ ألجاي وألخبز.
شفت أبن جيرانه صغير صحت عليه//
عبوسي عبوسي
كالي //هااا عمه
كتله //روح ناديلي علاوي من كاعنه كله يردونك بالبيت.
وما أسمع بس عيطة محمد//شعندددددج طالعة بالباب
فوووووتي جووووه .
يمه فد خفت من صوته كام يرعد بالبيت....
فتت بسرعة ...وطبتك ألباب
باوعت عليه ...عيونه ناطة من مكانهن
كتله //هااا...والله ما طلعت...بس ردت جاهل يصيحلي علاوي سويتلة خبز بالدهن خطية جوعان.
تقرب علية بسرعة...يمه فد خفت رجعت ليورة
كتله //حباب شبيك كبيت علية.
كالي //شبت بيج نار جهنم
فوتي كدامي للمطبخ...لو أدفنج بكاعج.
فتت ركض كدامة...هو لحكني صاك على سنونه
كالي//خاتون عاينتي لروحج من وكفتي بالباب لو لا
شنو هذا صدرج ألمدلع ....؟!
وليش ما لابسة شي جوة دشداشتج تلالي..؟؟
جاوبته //محمد والله لفيت ألربطة على راسي
بس ما أنتبهت صدري طالع ....
والله هو صوج ألدشداشة دلعتها جبيرة.
والله نسيت ألبس أتك...لأن رحنة للدكتوره لبست عباية على ألدشداشة...كلت حارة وألعباية تستر.
هو هنا غمزلي ....
وكام يصيح بصوت عالي//وووولج والله أكسرج بعد بس توصلين للباب...أنتي ليش ما تحتمرين حالج
ولج لا تخليني أطلع سواديني عليج.
وأنتي شعليج بعلاوي...لو باقر تخدميهم
مو نسوانهم موجودة...
يردون شي.....نسوانهم تكوم تخدمهم .
وخليها بالج...توصلين ألباب ألشارع بعد أكسر رجليج
أفتهمتي لو لا ...
أني حسيتها صدك رزالة...بس علساس جذب تمثيل
بس هو صدك يرعد ويصيح .
علاوي أجى كاله// أبو جاسم شكو شبيها هديل
بقى يصيح بصوت عالي//ألخاتون أختك مدلع ثوبها وأكفتلي بالباب...تكلي//والله ردت جاهل يصيحلي على علاوي
باوع علية وصاح //أنتي شعليج بعلاووووي موش هذذذيج مرته...وكاعدة أدك فج وتسولف...
طالب منج تصخمين كصتج وتخدمينه .. .
لو هاي ملاقة زايدة منج .
هنا بجيت...لأن حسيته صدك يرزلني
كتله// جأ غير أخوية وجوعان وسويتلة أكل.
رد صاح بصوت عالي//أخوج كالج أطلعي مدلع للشارع
ولج ليش تخليني هسة أصخم شراعج
أمشي أنهجمي بغرفتج...ما أريد أشوف خلقتج جدامي
خلصني شبيج صافنه بوجهي .
أنت تقرأ
حصاد المواسم
Genç Kız Edebiyatıلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
