#حصاد-ألمواسم
👇
#فراقد
👇
#ألحلقة((٣٢))
×××××××××××××××
ما أريد أسولف عن ضيم أيام الحصار ...
والناس شلون أتبهذلوا ...وكاموا يبعون بغراض بيتهم
علمود يشترون اللكمة لجهالهم ...
يعني بيت ألسيد ...
تعتبر حالتهم المالية ...زينه بنسبة ألباقي ألناس
أول شي ...ألسيد عندة ألمعاش ألياخذة من وزارة الأوقاف ...بعتبارة موظف ويخدم بالمرقد
بس شنو المعاش كلش قليل ...يادوب يجبون بي
أربع كواني حنطة ... وشعير
وأحنة نجرشهن بالبيت ...وكميلة تخلط وياهن أذرة
علمود تزيد كمية ألطحين
وثاني شي ... عدهم وأرد ...صح مو قوي من ورشة النجارة ...بس يفيدهم وشايل شوية من مصاريفهم أليومية
وثالث شي ...كل ثگل حياتهم ومعيشتهم
على الزراعة ...والحلال ،،
وأبد ما صار عدهم نقص بمواد ألتغذية
ورابع شي ... مواد ألحصة ألتموينية
هم شويه تشيل من ثكل معيشتهم
صح ألمواد قليله بس تفيد أحسن من ماكو
وكميلة ...ونور صدك وحدتهن مرأه نادرة ومعدلة
يعرفن شلون يدبرن ... ويرتبن أمورهن
وصدك وحدتهن ...شايلة مسؤولية أكبر من عمرها
بتعديل وترتيب كلشي يخص الحياة
يعني حتى أني ... تعلمت منهن على ألتدبير
وهن يخلني جوة أيديهن ويعلمني
سوي هيج .... ورتبي هيج
وهذا كافي .... وهذا زايد
والحمد لله ...من كمنة نشعل التلفزيون
كمت شوية ما أضوج ..ومن أخلص شغلي أكعد أتفرج
بس خلصتها معارك ويه الولد
لأن من أتابع فد برنامج ...همه يبقون يسخرون بيه ويطلع علية البرنامج ... سم وزقنبوت
كلشي ما أفتهم من عنده
وأذا ما أقبل أتسخر ألهم ...
يكومون يصيحون عليه //هااا ما تشتغلين
ومخلصة وكتج بس فرجى على التلفزيون
وبس هذا الفالحة بي ...
أني هم ما أسكتلهم ...
أكلهم //ليش من أشتغل بالبيت وأتعب محد يشوفني
وحسره علية أكعد أرتاح ساعة ...وأتابعلي فد برنامج كلكم تشدون ويايه ...وتطلعون هاي الساعة زقنبوت علية .
ويخلص وكتي هيج ...عرگ ونگره ويه الولد
وكلشي ما أفتهم من التلفزيون .
وكمت أواجهه مشكلة من تجيني ألحبابة
أول يوم تجطلني بالفراش ...
وأظل أبجي من عدها ...ونور تحير بية
تسويلي كلاص دارسين ...
ومرات تفورلي بطنج ...
وتنطيني حباية وجع راس
بس وين يفيد وجعها ينومني بالفراش ويكسرني
أنوب شكد عيب ألسيد يعرف بسالفتي
وأكيد كميلة تكله الصدك ...
من يشوفني نايمة ومالي خلك ...
لو ما يشوفني على الغدة او العشا ...ويسأل عني
بس نور تضمضملي ...
وكل مرة تطلع جذبة شكل ...من يسألون علية الولد
من أعتزل وأبقى معتكفة بغرفتنه
وأنوب شنو المصيبة ...
قبل لا تجيني ألحبابة بجم يوم ...ومن تنزل علية
أبقى شكد أتشهى ألاكل ...
وكميلة تبقى تضحك علية تكلي // حتى التتنسى
ماتسوي سوايتج
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
