ألحلقة ألخامسة و ألأربعون ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----//////-------/////---------
چا عدمن أضم روحي
الـيضم حلمه بـحضن فانوس
ينباگ بشبر هندس
××××××××××××××××××××
بعدهن ألنسوان أم نرجس واختها كاعدات يمنه
وباب الشارع انهجمت علينا
وصوت ولد يصيح// أم عطأ ااااا حمووودي مااات
أطلعي أم عطأاااا أبنج مااات ...
كميلة هي طفره لباب ألشارع وهي طيحه على الوجه
وتصيح//يمه وليدي ألزهرة تحضرك
أني وألبنات نهله وفطم طفرنه ورها
والمرأه وبتها هم كامن ويانه وطلعن للشارع
واشوف ولد شاب يطلع بكران حمودي يدك على راسه
ويبجي ويصيح//ام عطأ حمودي ماات
كميلة تسودنت كامت ادك وتلطم بالشارع
وهذن ألنسوان الغربه يهدن بيها .
نهله جرت ألولد من أيده وعاطت بي //شلون مات
انت منهو ...وين باقي ألولد.
جاوبها أبجي وعياط//أنا رفيجه...جنت اشتغل وياه بالبيت والكهرباء كتلته...اولاده عمه نكلوه للمستشفى.
هنا كميلة المايشتري يتفرج على حالها
ألنسوان كامن يسترن بيها ...
اني كمت أرجف وكلش خفت...
بس ذكر الله جلب بلساني..
انوب اريد اصرخ ألساني انبلع من الهبطه
غيث وليث وباقي الجهال تسودنوا من عياط نهله وفطم...وعياط كميله.
اني عفت ألدنيا كلها ...صح خفت وهبطت
بس أريد أوكف على قرار أخوي
لكفت العبايه من راس أم نرجس
وطلعت أمشي للشارع...
وأشرت الهذا الولد الغريب يمشي ويايه
كمت امشي بخطوات سريعه...دايخه وخايفة ومهبوطه وكل عقل وتفكير ماكو براسي...
بس امشي بسررعه....
وهذا ألولد لحكني واجي يمشي ويايه.
بيت أنتصار هذا شويه بعيد عن بيتنه
يعني مو مال أروح مشي للبيت
ألولد أشر للسيارة جانت جايه علينه
حتى من الثول ألصار عندي ما شفت منو بيها
طبكت يمنه... ولن يطلع جاسم أبو رعيده ابن عمي عزام...أشرلي عودين اصعدي...صعدت ليوره
وهذا الولد صعد يمي
أباوع بالصدر وأشوف أبويه متخربط
وجاسم يفتح بدكم دشداشته .
يمه هنا أنباكت مني العافيه
من شفت أبويه يبجي ويلكف الهوه بالكوة
وجاسم محتار بي ويصبر عليه
بس كتله //خيرك بويه
كالي//حميد راح من ايدي
أني هنا تأكدت حمودي مات...هسه يلا ستوعبت
كمت أعيط وألطم وأصيح حتى مااعرف شنو أكول
لو شنو أحجي .
جاسم رجعنه للبيت...وباب البيت ما تنشاف
الناس ملمومين على عياط كميله وألبنات
جاسم نزل وشال أبويه شلون ما يشيل ألجاهل
ودخله للبيت.
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
