حصاد المواسم

ح ١٤ (( ألجزء ألثاني ))

ألحلقة ألرابعة عشر ///من أحداث قصتي///

بعنوان /////حصاد ألمواسم

خطت بقلم ///فراقد حسن علي ///
----//////----//////----/////-

عشكتك عشك اعمى ما يشوف الناس
عشكتك وانه ادري العشك ممنوع
تعال لخاطر الله الليل صار اطويل
تعال اقسم عليك بدمعت العين
وكون يتحالف كلبنه حالف ومحلوف
تعال الليله يمي وريح البال
أقترب مو بيدي والله الكلب ملهوف
----//////----//////----/////--

هديل //من كتلني محمد وضربني راشدي فر راسي
عافني مجطولة أبجي بالكاع...وطلع من ألغرفة
وطبك ألباب وراه .

هنا وأنفتحت ألباب...شو طب علية عصامكو... !!!!
شكله صاير فد حلو ويضحك بوجهي .

كالي//هديل...محمد تراه مو خوش أدمي...
وراح يأذيج...عوفي ...
وأنطيني أيدج أوديج ألبيت أبوج شامل ....!!!

هو تقرب عليه...ويضحك بوجهي...وفد حلو شكلة
مدلي أيده وكال//أنطيني أيدج أوديج ألبيت أهلج
ما تردين تشوفين أمج شهلاء .... !!!!!

أني ما أدري شبية...وكلش ضايجة من محمد
وأنوب هسة ضربني ...
مديت أيدي ولزمت أيده ...!!!!!

شو أيد عصامكو بارررردة !!!!!

بس لزمت أيدة...طفى ألضوة...وألغرفة صارت ظلمة !!!

شوية وحسيت حياطين ألغرفة أتقربت علية...وصارت ألغرفة كلش صغيرة خنكتني ...

وطلع من ألحياطين...شلون ألعروچ مال ألشجر
وألتفت على كل جسمي خنكتني.

وبنهاية كل عرج...تطلع شوكة جبيرة تنبت بجسمي

وأنوب طلعت شوكة كلش جبيرة...صارت تشبه ألسجينه وكفت كبال بلعومي...هنا أختنكت وبعد ما أكدر أتنفس كمت ألكف ألهوة بالكوة .

شوية وحسيت أكو وأحد وخر هاي ألشوكة من بلعومي
هنا تنفست...بس جسمي كله خدر من جگ ألشوكات..
وربط ألعروج ربطني ما يخليني أتحرك .

وعيت...وكمت أسمع رجال يحجى على راسي بكلمات غريبة...توصل لذاني شلون ألصدى ألبعيد...
وأنوب صوته كلش مزعج...أريده يسكت ماكو
كمت أتفل علية .

وكل ما أتفل على ألرجال...توخر وحدة من هاي ألشوكات عن جسمي...ويرتاح هذا ألمكان ألبجسمي
من وجع جكتها .

بقت هاي ألعروج رابطتني...
وهاي ألشوكات شلون أليسولفن ويايه...ويحجن بذاني
أذا كاللي على شي...وسويته...توخر وحدة منهن عن جسمي...وأذا ما سويته يخضرن أثنين جديدات وينبتن بجسمي...من خوفي من عدهن...كامن شنو يكللي أسوي
حتى يخف وجع جسمي من نغزاتهن .

شلون أكدر أوصللكم حالتي...
أني مو فقدات ألوعي عن ألدنيا فرد نوب...
يعني أسمع وأشوف وأعرف كلشي بحياتي...
وأعرف أهلي وناسي...وكلشي يصير بحياتي أليومية بس ما أكدر أتحكم بتصرفاتي...هذني الشوكات هن أليمشني...شايفين هاي أللعابات ألخشبيه أم ألخيوط شلون يتحركن من وأحد يحركهن...
أني جنت نفسهن هن ألشوكات يحركني