#حصاد-ألمواسم
👇
#فراقد
👇
#ألحلقة((٥٣))
××××××××××××××××××××
مساء الخيرات والمسرات والعافية .
((حلقه هديه للحبايب 💐💐💐💐))
كل ألموجودين صاحوا بصوت عالي
اَللّـهُمَّ صَلِّ عَلى مُحَمَّد وَآلِ مُحَمَّد،....
عمهم ساجت كال// أي هاي ألبشاره ألزينه
ولمة ألفرح وألخير عمت على وجوه ألجميع
شبيج يكميلة...سمعينه هلهولة لأبنج،،ولأخوج،،ولبنتج
كميلة ما قصرت...خلت شيلها على وجهه
وكامت تهلهل...ودموعها صبت على وجهه
بنفس أللحظة .
هنا عصامكو عاط// أبو عطأ هسة تعقدلهم
كلبي لاجمني منك...خافن ألصبح تغير رايك
أبوية دنك عليه ...وحاجاني بصوت ناصي
كالي //هااا بوية أنت موافقه أعقدلج هسه
كتله //بكيفك بوية .
كال// دكومي توضي...وتعاي أكعدي هنا يمي.
كمت رحت توضيت على مغسلة ألموجودة بالحوش
من رجعت...أريد أفوت للهول
محمد لاكاني باب ألهول...ضحك بوجهي وغمزلي
يا ااالله فد خجلت...ولا بحسباب يومية أشوفة
أجى محمد...ومشلح ردانه...ألظاهر هم توضى
وكعد بصف أبوية ،
عمهم ساجت كال//بوية منو تردين يصبح وكيلج
كتله //عمي أني وكيلة نفسي....
شو كلهم كاموا يضحكون...!!!
عاد أبوية ألسيد كال//أنا وكيلها جدام الله ورسوله
وعمي أبو ناهض...وأبو جمال هم ألشهود
وأخوانها كل الأولاد ألحاضرين...هم حزام ظهرها
وأنا من هسة موكلهم...أذا محمد جاس شعره منها
هو ألهم...أنا مخولهم يكسرون أظلوعه .
محمد كال// أفاااا أبو عطأ هي هاي ألخوه لا ما مرجية منك...ترى هدت أولادك عليه ماناسيها إلا أخذ حكي مربع منهم .
أبوية كاله// ألبت أمانه عندي
وأني أخافن الله ... وباجر وراية ظلمة
لزوم أظمن حقوقها .
عمهم عزام صاح //وهسه شلون نخلصها معاتب
فضها يا فاضل وعقدلهم خلنه نفرح بيهم
تره قلوبه مؤجره من ألقهر .
وصدك أبوية ألسيد ...هو ألحدد مهري
وخوش حددلي مهر كسر ظهر محمد بي.
وعقدلنه بهذيج ألليله ،
أبوية ألسيد بس حجى صيغة ألقعد
من مره وحدة...كتله//نعم قبلت ألزواج وأنت وكيلي
هنا كلهم صلوا على ألنبي بصوت عالي...صوتهم رج حياطين ألبيت.
وأنوب رجع كمل صيغة ألعقد وية محمد
وهو وافق على ألمهر ... من ألحاضر وألغايب
ويباوع بوجهي ويضحك .
أبوية من كمل ألعقد وباركلنه
دنك عليه وباسني على راسي ...
وباركلي...ودعالي بحياة زوجية سعيدة
وسلم على محمد...وباركلة وبوسة .
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
