မြူ(Complete)

Ep 67

Ep 67

ဒီနေ့မြူနှင့်ဒီပါတို့ရုပ်ရှင်ကြည့်ရန်အတွက်ရုပ်ရှင်ရုံသိုု့ရောက်နေကြပြီဖြစ်သည်။
ဒီပါနှင့်မြူတို့လက်မှတ်ဝယ်ပြီးသည်နှင့်မုန့်ဝယ်ရန်သွားကြကာဒီပါကမြူ့အတွက်Colaနှင့်အာလူးကြော်ကိုအဓိကဝယ်လိုက်ပြီးကျန်တာကပေါက်ပေါက်ဘူးဝယ်လိုက်သည်။ခဏအကြာ
ရုံရှင်စတော့မှာဖြစ်၍ ရုံထဲသို့ဝင်လာကြသည်။ကြည့်တဲ့ကားကနိူင်ငံခြားသရဲကားဖြစ်ကာ
သရဲကြောက်သောမြူကိုသရဲကားလိုက်ပြပြီးဒီပါတစ်ယောက်အကြံထုတ်ထားခြင်းဖြစ်သည်။သရဲ​ကြောက်မှသူ့ဘက်ကိုတိုးကာရင်ခွင်ထဲဝင်လာမည်ဟုတွေးရင်းဒီပါတစ်ယောက်အကြံနှင့်လာပြခြင်းဖြစ်သည်။

မြူက ကြည့်နေရင်းသရဲမ ထွက်လာသောနေရာရောက်ရင်လန့်လန့်သွားကာ တစ်ချက်တစ်ချက်မျက်လုံးများမှိတ်ပြီး လက်လေးနှင့်လည်းမျက်လုံးကိုကာထားသေးသည်။ထိုအချိန်ဒီပါကမြူ့လက်လေးအားလာကိုင်ကာ.....

"မြူ ကြောက်နေတာလား"
"မ မကြောက်ပါဘူး"

ပါးစပ်ကသာမကြောက်ဘူးပြောနေပေမယ့် နဖူးပြင်တွင်ချွေးပြန်နေသောမြူကြောင့်ဒီပါနည်းနည်းတော့ရယ်ချင်သွားသည်။

"အင်းပါ မကြောက်ရင်လည်းပြီးတာပါပဲ ကြောက်နေရင်ကိုယ်ကမကြောက်အောင်ဖက်ထားပေးမလို့ပါ"

"မလိုပါဘူး အသားယူချင်နေတာကိုများ"

မြူကပြောရင်းပင် ကိုလာသောက်လိုက်ကာအာလူးကြော်ထုပ်ကိုလည်ဖောက်လိုက်သေးသည်။
ဒီပါလည်းဘေးနားကသူကိုမကြည့်တော့ဘဲ သရဲကားကိုသာ စိတ်ဝင်တစားကြည့်နေလိုက်သည်။ဒီပါ​လည်းသရဲကားမှာစိတ်ဝင်စားဖို့ကောင်းသောကြောင့် ကြည့်နေသည်မှာမုန့်စားဖို့တောင်မေ့နေလေသည်။
မြူကတော့သရဲမ လာတဲ့နေရာတွေဆိုရင်မျက်လုံးမှိတ်ထားကာနေနေပေမယ့် ခဏအကြာကြည့်နေရင်းအိပ်ချင်လာသောကြောင့်ခဏမှိန်းနေလိုက်သည်။

ဒီပါက ရုပ်ရှင်ကြည့်နေရင်းဘေးနားတွင်ငြိမ်ကျသွားသော သူကြောင့်လှည့်ကြည့်လိုက်တော့ခေါင်းစောင်းကာအိပ်ပျော်နေသောသူလေးကိုတွေ့လိုက်ရ၍ပြုံးလိုက်မိသည်။မြူတို့ကြည့်တဲ့နေရာကအပေါ်ဆုံးတန်းမှာဖြစ်၍မြူကနှစ်နှစ်ခြိုက်ခြိုက်ခြိုက်ကိုအိပ်နေတာပင်။ဒီပါလည်းမြူ့ကိုကြည့်နေရင်းအသည်းယားလာသောကြောင့်နှုတ်ခမ်းလေးအားနမ်းလိုက်သည်။
မြူ အိပ်နေရင်းနှုတ်ခမ်းကိုလာထိနေသောတစ်စုံတစ်ခုကြောင့်မျက်လုံးဖွင့်ကြည့်လိုက်တော့မီးရောင်မှိန်ပြပြတွင်နှုတ်ခမ်းကိုလာနမ်းနေသောဒီပါကြောင့်မျက်လုံးပြူးသွားကာ
ချက်ချင်းပင်မြူလည်းဒီပါအားတွန်းလိုက်ကာ......