Loving You Is A Losing Game

•CHAPTER FOUR•

Nakatingin lamang si Cameron sa labas ng bintana habang patuloy naman ang pag di-discuss ng kanilang professor. Tinatamad siyang makinig sa mga pinagsasabi nito.

"Ano namang iniisip mo?" tanong ni JP sa binata.

"Nagugutom ako."

"Tanga ka kase. Pinapakain kita kanina, hindi ka naman kumain tapos ngayon rerekla-reklamo ka diyan." masungit na sagot ni JP pero tanging masamang tingin na lamang ang sinagot ni Cameron sa pinsan.

Nakangiti habang pinagmamasdan ni Calvin si Quincy na nagsasagot ng math problem sa harapan. Hindi niya maiwasang pagmasdan ang dalaga, simula sa paggalaw ng kamay nito hanggang sa pagbaba ng tingin sa sariling notebook.

"Kambal, umamin ka nga sa'kin." seryosong tiningnan ni Kyle ang kakambal. "Do you like Quincy?"

"No." mabilis na sagot nito sa kanya.

"Bakit ganyan ka kung makatingin sa kanya? Kahapon pa kitang napapansin kapatid." tumaas ang kilay nito bago pinagkrus ang sariling braso.

"Pwede ba? Don't give malice everything I do to her, Kyle. Baka bantukan kita." seryosong sagot ni Calvin bago muling tumingin kay Quincy na tapos na pala sa kanyang pagsasagot.

Ngumiti si Quincy ng mapansing nakatingin sa kanya si Calvin. Mahina pa siyang tumawa ng kindatan pa siya nito. Nang makaupo si Quincy sa kanyang kinauupuan, pasimpleng tumayo si Calvin at mabilis itong lumipat sa tabi niya.

"Wala daw gusto. Kwento niya sa nanay niya araaaaaaay naman!" mahinang sigaw niya ng pasimpleng kurutin ng kakambal ang kanyang tagiliran.

"Okay, the answer is correct. Next Miss Castro." nakangiting ani guro.

"Nice." si Calvin.

Tumawa na lamang si Quincy bago tiningnan ang sariling notebook.

Nang tumunog ang bell, mabilis na tumayo si Calvin para kunin ang kanyang gamit.

"Tulungan na kita." dahan-dahang umangat ang tingin ni Quincy sa binata ng bigla nitong kunin ang kanyang gamit.

"Wag na, Cal. Hindi naman mabigat." akmang kukunin ng dalaga iyon pero mabilis na nailayo ito ni Calvin.

Ngumiti na lamang ito bago naglakad papalayo.

"May dapat ba akong ma-knows sa inyong dalawa ni kambal?" tanong ni Kyle habang pinagmamasdan ang likuran ng kakambal.

"Ano naman yun Kyle?"

"I don't know, that's why I'm asking you duh Harley Quinn." nang-aasar na sagot nito na kinatawa naman ng dalaga.

Medyo naiilang siya dahil marami ang nakatingin sa kanila lalo na sa kanilang dalawa. Bitbit ni Calvin ang kanyang gamit kaya hindi maiwasang magbulungan ng mga istudyante.

"Don't tell me guys, nililigawan siya ni Calvin?" maaarteng tanong ng babaeng nasa kabilang dinadaanan.

"Parang sinabi mo naring walang ka-amor-amor si Calvin, Diana. Ofcourse not, hindi siya magkakagusto sa mga babaeng umaasa lang sa scholarship." sagot naman ng kausap nito.

Bahagyang tiningnan ni Cal si Quincy na nakatungo, bumuntong-hininga na lamang siya at dahan-dahang inakbayan ang dalaga dahilan para mas lalong mag-ingay ang mga kababaihang kanilang nadadaanan.

"Don't mind them okay?" nakangiti ngunit nando'n ang pagkaseryoso sa tono ng kanyang pananalita.

"Dumaan muna tayo sa locker, masyadong mabigat yan para dalhin mo hanggang cafeteria." ani Quincy at mabilis naman niya itong tinanguan.