Loving You Is A Losing Game

CHAPTER SEVENTY FIVE

Sabay-sabay na tumigil ang kotse nina Atticus sa parking lot ng isang private beach and resort. Walang ibang nandodoon kundi tanging sila lamang. Sa isang beach and resort sa Batangas naisipan ng mga ito na magdiwang ng bagong taon. Maganda ang paligid at sobrang linaw ng dagat.

Nauna ng lumabas sina Atticus na sinundan naman nina Dalbert at Rosanna.

"Ang ganda naman rito." wika ni Quincy matapos pagmasdan ang paligid.

"Mas maganda ka diyan Baby." kumindat pang bulong sa kanya ni Cameron.

Ngumisi naman ang dalaga at tiningnan si Princess na nagtatakbo papunta sa dalampasigan. Naglakad narin siya patungo doon para maghanap ng kung ano-ano.

"Bestie! Swimming tayo, may dala ka bang two piece?" tanong ni Princess ng makalapit siya rito.

"Kakarating palang natin, Princess. Baka gusto mo munang magpahinga. Mahaba pa ang oras." wika niya.

"Para naman sulit na sulit ang pagpunta natin dito diba."

Hindi na sumagot ang dalaga at dahan-dahang umupo. Gamit ang kanyang hintuturo, isinulat niya ang pangalan ni Cameron sa buhangin at dahan-dahang iyong nabura dahil sa alon.

"Anong plano para mamaya?" tanong nina Dranreb kay Cameron.

Sinulyapan ng binata ang kasintahan na abala sa pagtingin ng mga shell kasama ang kaibigan. Dahan-dahang siyang ngumiti at muling tiningnan ang mga kaibigan.

"Ikaw muna ang bahala sa kanya." wika nito habang nakatingin kay Calvin.

"Aalis lang kami ni JP pero mabilis lamang kami. Kayo na muna ang bahalang libangin siya."

"Hindi ka manlang magpapaalam?" nakangiwing tanong ni Calvin sa kanya.

"Hindi."

"What if your girlfriend finds you? What shall we answer?" taas-kilay na tanong muli ng binata.

"Tsk. Alam mo na dapat gawin diyan Calvin. Wag ka ng masyadong matanong."

"Sigurado ka na ba sa plano mo?" tinapik-tapik ni Matthew ang balikat ng kaibigan matapos itanong iyon.

"Sigurado na."

"May basbas na ba ng kapatid?" si Dwight.

"Gagawin ko ba kung wala?" pabalang pang sagot ni Cameron.

"Paano kapag hinindian ka niya? Awts pain pighati." nang-aasar namang anas ni Javion.

"Ano ba?! Napaka-nega mo! Suportado ka ba o hindi?" iritang asik ni Cameron.

"Supporn."

"Congratulations in advance." si Jethro.

"Mamaya na mag congratulations kapag um-oo, baka mausod eh."

Nagtawanan ang mga ito dahil sa sinagot ni Cameron. Kinakabahan man ay hindi niya mapigilang ma-excite sa mangyayari bago sumapit ang bagong taon. Hindi niya alam kung anong magiging sagot sa kanya ng dalaga pero ang mahalaga sa kanya ngayon ay sinubukan niya.

"Dekdek."

"Kuya."

"This is the key to your rooms. Rest first before doing what you have to do."

"Bakit parang naiiyak ka Kuya Atticus?" nang-aasar na tanong ni Javion habang sinisipat ang mukha nito.

Kumunot naman ang noo ni Atticus at naniningkit ang mata nitong tiningnan ang binata.