Unicode //
နိုးနိုးချင်း ရလိုက်သည့် ကိုယ်သင်းနံ့သင်းသင်းလေးကြောင့် ဈာန်း ပြုံးလိုက်မိသည်။ ရင်ခွင်ထဲရှိ က်ိုယ်သင်းနံ့ပိုင်ရှင်လေးကို အသည်းယားလာသည်မို့ ခပ်တင်းတင်းဖက်လိုက်မိပြီး နဖူးထက်သို့အနမ်းခြွေမိသည်။
မပစ်မှားရက်လောက်အောင် မြတ်နိုးနေရပြီမိုလ မိမိစိတ်ကိုထိန်းချုပ်ကာ ထိုနဖူးလေးထက် သို့ပဲ အနမ်းခြွေနေမိသည်မှာ ဘယ်နှစ်ကြိမ်မြောက်မှန်းမသိတော့။
"ကျွန်တော့် နဖူးလည်းပေါက်သွားပါဦးမယ်"
မျက်လုံးမဖွင့်ဘဲ ပြောလာသူကြောင့်....
"အဟွန်း....အငယ့်ကို အဲ့လောက်ချစ်ဖို့ကောင်းဖို့ ဘယ်သူကခွင့်ပြုထားလို့လဲ....ကဲ...နိုးရင်ထတော့လေ...."
"အင်း....၅မိနစ်....၅မိနစ်ပဲ...."
အိပ်ချင်မူးတူးအသံလေးနှင့်ပြောကာ ရင်ခွင်ထဲမျက်နှာအပ်လာသော အကောင်ပေါက်လေး။ဒီလူသားလေးကိုပိုင်ဆိုင်လိုက်ရသည်ကိုက
သူ့အတွက်ကံကောင်းခြင်းမည်၏။
ချစ်စကားပြောခွင့်မပေးသူလေးအား ထိုစကားထက်ပိုလေးနက်သော စကားများဖြင့်သိမ်းသွင်းထားမည်။ဒီရင်ခွင်မှတစ်ပါး ကူးပြောင်းခွင့်မပေးနိုင်ပါ။
ချစ်ရလိုက်တာ ကလေးရယ်....
ထိုစဉ်....
Ringing....
ဖုန်းသံကြောင့်လူးလွန့်လာသူလေး၏ကျောပြင်အား အသာပုတ်ပေးကာ ပြန်အိပ်စေလိုက်ရင်း ဖုန်းကိုယူကြည့်လိုက်တော့ ကောင်းထက်ယံ။
"Hello...."
"ဈာန်း....မာန်လေးနဲ့ပြည့်သျှင် Accidentဖြစ်လို့..."
"ဘာ"
အသံကြိတ်ကြိတ်ပြောလိုက်သော်လည်း နားပါးသူလေးက စိုးရိမ်မျက်ဝန်းတို့ဖြင့် ရင်ခွင်ထက်မှမော့ကြည့်လာသည်။
"ဘာဖြစ်သွားသေးလဲ....အခု သူတို့ဘယ်မှာလဲ"
"ကြီးကြီးကျယ်ကျယ်တော့ဖြစ်မသွားပေမယ့် မာန်လေးက အရမ်းလန့်ပြီး သတိမရသေးဘူး"
"မင်းကဘယ်လိုသိတာလဲ...အခုသူတို့ဘယ်မှာလဲ...ငါခုလာခဲ့မယ်"
YOU ARE READING
ကန့်လန့်ဆန်သောအချစ်
RomanceCredit to the owners of artworks in the cover photo. အရေးအသားနဲ့ဇာတ်အိမ်တအားပေါ့ပါတယ်၊ စာလုံးပေါင်းသတ်ပုံအမှားတွေလည်းပြန်မစစ်ထားပါဘူး၊ ဖတ်ဖူးတဲ့စာဖတ်သူအဟောင်းတွေအတွက်ပြန်တင်ပေးတာမို့ အသစ်တွေအနေနဲ့ သေချာစဉ်းစားပြီးမှဖတ်ကြပါ၊ ကျွန်မကိုယ်တိုင်တောင်မှ...
