Unicode //
ခွက်ထဲမှဝိုင်ကို တစ်ငုံမျှငုံလိုက်ပြီး မျိုချဖို့ပင်မေ့နေသည်အထိ စိတ်နှင့်ကိုယ်ကမကပ်နိုင်လောက်အောင်ဖြစ်နေသည်။
'Jack'ဆိုသည့်ခေါ်သံလေးကို မကြားရတာဘယ်လောက်ကြာနေပြီလဲလေ...
ထိုခေါ်သံလေးကိုသူလွမ်းပါသည်။
အသံပိုင်ရှင်လေးကိုတော့ ပိုလွမ်းသည်။
စိတ်ကိုအလိုလိုက်ကာ နှလုံးသားစေညွှန်းရာကိုသွားကြည့်ပြန်တော့လည်း လွမ်းရသူက အရိပ်အယောင်ပင်မပြ။ 'ငယ်လေး အပြင်ထွက်သွားတယ်'ဆိုသည့်စကားက ရင်ကို မီးနှင့်မြှိုက်လိုက် သလိုပင်။
....ကိုယ်မရှိတဲ့ဘဝမှာ မင်းနေပျော်နေပြီပေါ့....
အဟက်...ကိုယ်မင်းကိုချုပ်ထားခဲ့သလိုများ ဖြစ်ခဲ့လို့လား...ဘယ်တော့မှတစ်ယောက်တည်းအပြင်မသွားတတ်တဲ့ကလေးက ၃၊၄ရက်လောက် ဝေးကွာသွားရုံနဲ့ ဒီလိုတွေလုပ်တတ်နေပြီပေါ့....
ဆူညံနေသည့်ပတ်ဝန်းကျင်ကိုပင် မေ့လျော့နေသည် အထိ အတွေးကမ္ဘာထဲရောက်နေသူ...။
ထိုစဉ်...
"အ! ဆောရီး...."
"....."
"ဆောရီးနော်...တို့သူငယ်ချင်းနဲ့ဆော့ရင်း မတော်တဆဖြစ်သွားတာ...အယ် အင်္ကျီစွန်းသွားလားမသိဘူး..."
အိညှက်ညှက်အသံနှင့် ရင်ဘတ်နေရာအားထိမလို တို့မလိုလုပ်နေသော ဣတ္ထိယမျိုးနွယ်ဝင်။
စကားပြောလိုစိတ် အလျဉ်းမရှိသည်မို့ တစ်ချက်စိုက်ကြည့်လိုက်သော်ငြား အနှီအမျိုးသမီးက ကိုယ့်သေတွင်းကိုယ်တူးရတာကြိုက်လေတော့...
"ယူက တို့ကိုစိတ်ဆိုးသွားတာလား...တို့ ယူ့အင်္ကျီကိုပြန်လျော်မယ်လေ...ယူ့ဖုန်းပေး...ဖုန်းနံပါတ်မှတ်ပေးမလို့...ယူမယုံမှာစိုးလို့နော်..."
ပြောပြောဆိုဆိုနှင့် ဝိုင်ခွက်နားက ဖုန်းကိုလက်လှမ်းလာသောကြောင့် စိတ်ကိုထိန်းချုပ်မရတော့။
"မင်း!!! တောက်!!!"
"အား!!!!!!"
ခွမ်း!!!!
စိတ်က အစကတည်းကမကြည်သည်မို့ မိန်းကလေးသော ဘာသောငဲ့မနေနိုင်တော့။ ဖုန်းကိုလှမ်းယူသလိုလိုနှင့် ရင်ခွင်ထဲအတင်းဝင်နေသည့် အနှီအမျိုးသမီးအား သနားစရာဘာအကြောင်းမှပင်မရှိသည်မို့ တွန်းထုတ်လိုက်သော်လည်း စိတ်ကဘယ်လိုမှမပြေနိုင်သည်မို့ လက်ထဲမှဝိုင်ခွက်ကိုပါ ပေါက်ခွဲလိုက်မိသည်။
ESTÁS LEYENDO
ကန့်လန့်ဆန်သောအချစ်
RomanceCredit to the owners of artworks in the cover photo. အရေးအသားနဲ့ဇာတ်အိမ်တအားပေါ့ပါတယ်၊ စာလုံးပေါင်းသတ်ပုံအမှားတွေလည်းပြန်မစစ်ထားပါဘူး၊ ဖတ်ဖူးတဲ့စာဖတ်သူအဟောင်းတွေအတွက်ပြန်တင်ပေးတာမို့ အသစ်တွေအနေနဲ့ သေချာစဉ်းစားပြီးမှဖတ်ကြပါ၊ ကျွန်မကိုယ်တိုင်တောင်မှ...
