Unicode //
"ဘာလုပ်နေတာလဲ သားငယ်...ကြည့်စမ်း...
ကုတင်အပေါ်မှာရော အောက်မှာပါ ပွထနေတာပဲ..."
သူမဝင်လာသည်ကိုပင် သတိမထားမိစွာ
ဗီဒိုထဲမှအဝတ်တွေကို ဆွဲထုတ်လိုက်၊ခေါင်းခါလိုက်၊ပစ်ချလိုက်လုပ်နေသော သားဖြစ်သူအားကြည့်ပြီး ဒေါ်မွန်သက်ငယ်တစ်ယောက် မနေနိုင်စွာ မေးလိုက်သည်။
သို့သော် အဖြေကချက်ချင်းပြန်မလာ။
ခနနေမှ...
"မေမေ့ ဒါလေးကသားနဲ့လိုက်လား...အာ...
မဟုတ်သေးပါဘူး...ဒါကဟိုတစ်လောကဝတ်ထားတာကြီး...ဒါမဝတ်ချင်ဘူး"
သူ့ဘာသာမေး၊သူ့ဘာသာဖြေကာ တစ်ယောက်တည်း အလုပ်ရှုပ်နေသောသားငယ်ကိုကြည့်ပြီး ဒေါ်မွန်သက်ငယ်စိတ်ပူလာမိသည်။
ဒီကလေး ချစ်သူတွေဘာတွေများရနေပြီလားမသိ။
"သားငယ်လေး...."
"ဗျာ....မေမေ....ဟာ! ဒါကိုရှာနေတာခုမှတွေ့တယ်..."
အဝတ်ပုံထဲကို စိတ်တိုင်းကျမွှေနေရင်း သူမခေါ်သည်ကို ပြန်ထူးလာပြီးနောက်တွင် သူရှာနေသောအင်္ကျီအားတွေသွားပုံရသည်။ ထို့နောက်
အနက်အစင်းများပါသော အင်္ကျီအဖြူလက်ရှည်ကိုကိုင်ကာ ကုတင်ပေါ်မှခုန်ပေါက်ဆင်းလာသော သားဖြစ်သူကြောင့် သူမ အတွေးများသထက်များလာသည်။
"သားငယ်...အဝတ်တွေကို သေချာသပ်သပ်ရပ်ရပ်ပြန်ထားနော်"
" နှိုင်းမန်ပါ မေမေရ...အပြင်ထွက်လာတာနဲ့ ရှင်းလင်းကျန်ခဲ့စေရမယ်...စိတ်ချ"
"ဟုတ်ပါပြီရှင်"
ထို့နောက် ဒေါ်မွန်သက်ငယ်တစ်ယောက် သက်ပြင်းအသာချကာ သားငယ်၏အခန်းထဲမှပြန်ထွက်လာခဲ့လိုက်သည်။
သမီးကိုမေးကြည့်ဦးမှပါ...
______________________________
ဈာန်း Siteထဲက ပြဿနာတွေကိုအကုန်ဖြေရှင်းပြီး အိမ်သို့ပြန်လာလိုက်သည်။ အိမ်အရောက် နာရီကိုကြည့်လိုက်မိတော့ နာရီလက်တံက 4ကိုညွှန်ပြနေသည်။ ပြဿနာဆိုသည်ကလည်း လာလိုက်လျှင် ဆွေနှင့်မျိုးနှင့်။ ဒီနေ့အဖို့ သူတော်တော်ပင်ပန်းနေပြီဖြစ်သည်။
YOU ARE READING
ကန့်လန့်ဆန်သောအချစ်
RomanceCredit to the owners of artworks in the cover photo. အရေးအသားနဲ့ဇာတ်အိမ်တအားပေါ့ပါတယ်၊ စာလုံးပေါင်းသတ်ပုံအမှားတွေလည်းပြန်မစစ်ထားပါဘူး၊ ဖတ်ဖူးတဲ့စာဖတ်သူအဟောင်းတွေအတွက်ပြန်တင်ပေးတာမို့ အသစ်တွေအနေနဲ့ သေချာစဉ်းစားပြီးမှဖတ်ကြပါ၊ ကျွန်မကိုယ်တိုင်တောင်မှ...
