Unicode //
ဇူလိုင်လ ၅ရက်၊ ၂၀၁၄ခုနှစ်
"သားငယ်လေး နွားနို့သောက်ဦးလေ..."
"မာမီကလည်း....ဒါကြီးပဲနေ့တိုင်းသောက်နေရတာ..."
၉တန်းကျောင်းသားလေးဟုမထင်ရလောက်အောင် ပိုးဟပ်ဖြူလေးလို ဖြူဖြူဖျော့ဖျော့လေးဖြစ်နေသော သားငယ်လေးကိုကြည့်ပြီး ဒေါ်နှောင်းမွန်ဦးသက်ပြင်းချမိသည်။ ဘယ်အစားအစာကိုမှမက်မက်စက်စက်မရှိတဲ့ကလေးမို့ အစားတစ်ခုကျွေးပြီဆိုရင် အမြဲချော့တစ်ခါ၊ခြောက်တစ်လှည့် ။
"ဘာမှဆင်ခြေမပေးပဲသောက်မယ်ဆိုရင် ငယ်လေးလိုချင်တာဝယ်ပေးမယ်....ကစားကွင်းကိုလည်းပို့ပေးမယ်..."
မာမီနှင့်ငယ်လေး၏ အခြေအနေကိုကြည့်ကာ ဈာန်း ဝင်ပြောလိုက်တော့....
" ကိုကြီးကလည်း"
"ချေးမများနဲ့....ငယ်လေး....နေ့တိုင်းပုံမှန်နွားနို့သောက်မယ်ဆိုရင် ငယ်လေးပူဆာထားတဲ့ဂိမ်းစက်ဝယ်ပေးမယ်...သောက်လိုက်နော်...လိမ်မာတယ်..."
ဂိမ်းစက်ဟူသည့်အသံကြားသည်နှင့် အခုဏချေးများနေတာဘယ်သူလဲဟု မေးရလောက်အောင် နွားနို့ခွက်ကိုချက်ချင်းဆွဲယူ၍သောက်လိုက်သော ငယ်လေးကြောင့် သားအမိနှစ်ယောက်လုံးပြုံးလိုက်မိသည်။
"ညနေကျောင်းကပြန်ရင် တစ်ခါတည်းသွားဝယ်မှာနော်...."
"ဟုတ်ပါပြီကွာ...."
စျာန်း ငယ်လေး၏ဆံပင်နုနုလေးများကို ဖွလိုက်ပြီး ကတိပေးလိုက်မိသည်။
ဒီကလေးက သူ့ရဲ့တစ်ဦးတည်းသောညီလေး...မိသားစုရဲ့အသဲညှာလေး...နောက်ပြီး...
ထို့နောက် ဈာန်း အတွေးတို့ကိုရပ်လိုက်ပြီး မနက်စာ စစားလိုက်တော့သည်။
ထိုစဥ်...
"မာမီ့...ဒယ်ဒီရော...."
ငယ်လေးက မာမီ့ကို မေးလည်းမေး၊ မျက်လုံးတို့ကလည်း ဟိုကြည့်ဒီကြည့်နှင့် ဒယ်ဒီ့ကိုရှာနေပုံရသည်။
"အစည်းအဝေးရှိတယ်ဆိုပြီး မနက်ကတည်းကထွက်သွားပြီလေ သားငယ်ရဲ့...."
YOU ARE READING
ကန့်လန့်ဆန်သောအချစ်
RomanceCredit to the owners of artworks in the cover photo. အရေးအသားနဲ့ဇာတ်အိမ်တအားပေါ့ပါတယ်၊ စာလုံးပေါင်းသတ်ပုံအမှားတွေလည်းပြန်မစစ်ထားပါဘူး၊ ဖတ်ဖူးတဲ့စာဖတ်သူအဟောင်းတွေအတွက်ပြန်တင်ပေးတာမို့ အသစ်တွေအနေနဲ့ သေချာစဉ်းစားပြီးမှဖတ်ကြပါ၊ ကျွန်မကိုယ်တိုင်တောင်မှ...
