ရှီရှန်း ( ႐ွီ႐ွန္း) Book 4 Arc 16 to .....

Arc 16.29

[Unicode]

သတင်းခေါင်းစဉ်မှာ လွှမ်းမိုးခြယ်လှယ်ထားတဲ့ ရုပ်ရှင်ဘုရင်မ[29]

"ဒါကကျွန်တော့အဖေ"ဖေဖေကုကိုကြည့်ရတာ စည်းကမ်းတင်းကြပ်ပုံပေါ်ပေမဲ့ သူ့မျက်လုံးတွေကကုချီကိုကြည့်နေစဉ်မှာတော့ နူးညံ့ညင်သာလို့နေတယ်။

"မင်္ဂလာပါ ဦးလေးကု"

ဖေဖေကုကပြုံးလိုက်ပြီး ရှီရှန်းကိုစာအိတ်နီတစ်အိတ်ပေးလိုက်တယ်။

ဖေဖေကုရဲ့အကျင့်စရိုက်ကိုသိတဲ့ ကုဟောင်ကရှီရှန်းကို နောက်တစ်ယောက်နဲ့မိတ်ဆက်ပေးတယ်။

"...ဒါကကျကျွန်တော့ရဲ့ဒုတိယမရီး"

"မင်္ဂလာပါ ဒုတိယမရီး"ရှီရှန်းပေးတဲ့သေတ္တာလေးတွေအားလုံးက အနံ့သင်းတဲ့အဆင့်မြင့်စန္ဒကူးသားတွေနဲ့ လုပ်ထားတာပဲဖြစ်တယ်။ကြည့်ရသလောက်တော့ အဲ့ဒါတွေနှစ်နဲ့ချီသက်တမ်းရှိလောက်တယ်။

သူမဂရုတစိုက်နဲ့ လက်ဆောင်တွေပြင်ခဲ့တယ်ဆိုတာ သိသာတယ်။

ကုဟောင်အံ့ဩသွားရတယ်။'သူမဒီလောက်လက်ဆောင်အများကြီးကို အချိန်အတိုလေးအတွင်း ဘယ်လိုပြင်လာနိုင်ခဲ့တာလဲ?'

"ညီမလေးလာမှာကိုအမလည်းမသိတော့ လက်ဆောင်ကိုမြန်မြန်ပြင်လိုက်ရတယ်လေ။ညီမလေးစိတ်ထဲမထားဖို့မျှော်လင့်တယ်နော်။နောက်တစ်ခေါက်ကျရင်ပိုကောင်းတဲ့ လက်ဆောင်ပေးမယ်လို့အမကတိပေးတယ်"ဒုတိယမရီးကအနည်းငယ်ရှက်သွေးဖြာနေတယ်။

ကုဟောင်ကအားလုံးကိုရှီရှန်းနဲ့မိတ်ဆက်ပေးပြီးနောက်မှာတော့ သူမရဲ့လက်မှာလက်ဆောင်တွေ စာအိတ်နီတွေနဲ့ပြည့်နေပြီ။

အဖိုးတန်ဆုံးလက်ဆောင်က သခင်ကြီးကုပေးတဲ့ခရမ်းရောင်ဘရိုကိတ်လက်ကောက်လေးပဲ။လက်ကောက်ကိုအရင်ကသခင်ကြီးကုရဲ့ဇနီးက ပိုင်ဆိုင်ခဲ့ပြီး ကုမိသားစုရဲ့သခင်မဖြစ်ကြောင်း ဖော်ပြတဲ့သင်္ကေတတစ်ခုလည်းဖြစ်တယ်။

ကုချီလည်းစာအိတ်နီတွေရရှိခဲ့တယ်။ရှီရှန်းရဲ့တိုက်တွန်းမှုအောက်မှာ ကုချီကသခင်ကြီးကုနဲ့ဖေဖေကုကို နှစ်သစ်ကူးလက်ဆောင်တွေပေးခဲ့တယ်။