မိုင်နဲ ခဏလောက် ကြောင်ကြည့်နေပြီး.
" တစ်ခုခုဖြစ်လို့လား"ရှဲ့စန်း သူ့ဘယ်ဘက်လက်ထဲက အိတ်ကိုမြှောက်ပြပြီး "မနေ့က ငါ့ကို ခေါ်လာပေးလို့ ကျေးဇူးတင်တဲ့အနေနဲ့ မနက်စာ ပြန်လာပေးတာလေ"
ဒီနေ့က စာမေးပွဲဖြေရမယ့်နေ့ ဆိုရင်တောင် စွမ်းအင်စုဆောင်းဖို့ မေ့လို့မရဘူး၊ မနက်စာတစ်ခုက စွမ်းအင် ၂ခုတောင်ရမှာလေ။
"ရပါတယ် ၊ မင်းကို အိမ်ခေါ်လာပေးတာက စေတနာနဲ့ ကူညီတာပါ"
မိုင်နဲက လူစုလူဝေးတွေရဲ့ ကိစ္စတွေကို စိတ်ဝင်စားမှုရှိမှန်း ရှဲ့စန်းမသိခဲ့ဘူး။ သူ မတော် တဆ သတိလစ်သွားတာကို တွေ့ပြီး အတင်း မကယ်ချင်ဘဲနဲ့ ကယ်လာပေးရတယ်လို့ ထင်ထားခဲ့တာ။
"ဘာပဲဖြစ်ဖြစ် ငါ့ကို ကူညီပေးထားတဲ့အတွက် မင်းကို ကျေးဇူးတင်ရမယ်၊ ငါတို့က သူငယ်ချင်းတွေလေ" ရှဲ့စန်း ပြုံးပြလိုက်ပြီး
"ငါ့မှာ မင်းကိုပြောပြချင်တဲ့ ပျော်စရာကိစ္စတစ်ခု ရှိတယ်" သူ အိမ်ထဲကို လှမ်းကြည့်ပြီး "အထဲဝင်ပြီး ပြောကြရအောင်"
မိုင်နဲ သူနဲ့ ရင်းနီးသလိုလုပ်တဲ့ လူမျိုး တစ်ခါမှ မတွေ့ဖူးဘူး၊ သူ့ကို သိတဲ့လူတွေက ဝေးဝေးကနေ ရှောင်သွားကြတယ်၊ ပျော်စရာကိစ္စ ပြောပြဖို့ဆိုတာက အရမ်းဝေးကွာလွန်းတယ်၊ သူ့ကြည့်ရတာ အကြံအစည်ရှိတဲ့ပုံ မပေါ်ပဲ သူ့ကို တကယ့် သူငယ်ချင်းတစ်ယောက်လို့ တွေးထားသလိုမျိုး အပြုအမူတွေက ပွင့်လင်းပြီး မျက်လုံးတွေက ကြည်လင်နေတယ်။ ခဏလောက် တုံ့ဆိုင်းသွားပြီးနောက်မှာ အထဲဝင်လို့ရအောင် ကိုယ်တစ်ခြမ်း စောင်းပေးလိုက်တယ်။
"စွမ်းအင် 1, total , 1" လို့ ရှဲ့စန်းမျက်စိရှေ့မှာ ပေါ်လာခဲ့သည်။
ရှဲ့စန်း ခဏလောက် ကြက်သေ သေသွားပြီး မိုင်နဲကို အလန့်တကြား ကြည့်လိုက်သည်။ သူ့ခေါင်းပေါ်မှာရှိတဲ့ စွမ်းအင်က 9/10 ဖြစ်နေခဲ့သည်။
စားတောင်မစားရသေးဘူး စွမ်းအင် ၁ခု စရတာက အခြေအနေ ကောင်းတယ်
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...