Chapter 65 : အကျိုးသက်ရောက်မှု
ရှဲ့စန်းနဲ့ မိုင်နဲ တို့ က လောင်ထန်း ကို အာကာသ ဆိပ်ကမ်းတွင် သွားခေါ်ခဲ့ပြီး မကြာမီ အဆောက်အအုံသို့ ပြန်ခဲ့ကြသည်။ လောင်ထန်း လွန်းပျံယာဉ်ပေါ်မှ ဆင်းလာသည်နှင့် တပြိုင်နက် သူ့ကို မြင်သူတိုင်းရဲ့ မျက်လုံးတွေက ကြည့်လာခဲ့ကြသည်။
"ဒီ တောက်ပြောင်နေတဲ့ တစ်ယောက် က ဘယ်က လာတာလဲ?"
"စစ်ဌာနမှာ ပါတနာ ကုမ္ပဏီ အသစ်ရှိနေပြီလား?"
ဘေးရှိ ဖြတ်သွား ဖြတ်လာတွေက တိုးတိုးပြောပြီး မှန်းဆနေကြသည်။
လောင်ထန်း က သူ ဘယ်လောက် တောက်ပြောင်နေမှန်းမသိဘဲ ရှဲ့စန်း ကို စိတ်လှုပ်ရှားမှု အပြည့်ဖြင့် "နဂါးပျံ သားရဲ ဘယ်မှာလဲ ? ငါ သွားရှာလိုက်မယ်!"
ရှဲ့စန်း က သူ့ကို ဧည့်ခန်းထဲကို ခေါ်သွားသည်။
"မင်း အရင် မစားချင်ဘူးလား? မင်း ဆက်နွယ်ဖို့ ကြိုးစားရမှာ၊ မင်း အကောင်းဆုံးဖြစ်အောင် လုပ်သင့်တယ်"
လောင်ထန်း ပြုံးလိုက်သည်။
"ငါ ယာဉ်ပေါ်မှာ စားခဲ့တယ်။ ငါ အခု အခြေအနေ ကောင်းနေပြီး နဂါးပျံသားရဲကို တွေ့ချင်နေတာ"
ရှဲ့စန်း ရယ်လိုက်သည်။ "ဒါဆို မင်း ငါနဲ့လိုက်ခဲ့။ သူတို့က ကြီးလွန်းတာကြောင့် အပေါ်ထပ်မှာ နေရာ အလုံအလောက် မရှိဘူးလေ။ သူတို့က မြေအောက်ခန်းထဲမှာ"
မြေအောက်ခန်း အဝင်ဝကို စောင့်နေတဲ့ လူထုခေါင်းဆောင် တစ်ယောက်ရှိသည်။ တံခါး နောက်ကွယ်မှ စူးစူးရှရှ နဂါးဟိန်းသံ ရုတ်တရက် ထွက်ပေါ်လာချိန်တွင် ရှဲ့စန်း သူ့ကို နှုတ်ဆက်နေသည်။ အသံက ပြင်းထန်လွန်းသဖြင့် မြေပြင် တုန်ခါသွားသည်။
မိုင်နဲရဲ့ မသိစိတ် က ရှဲ့စန်းရဲ့ နားရွက် ကို ဖုံးအုပ်လိုက်သည်။ ရှဲ့စန်း က သူ့ကို ပြုံးပြပြီး သူ အဆင်ပြေကြောင်း ပြောပြသည်။
(T/N : လန်ကျန့်နဲ့ ဘာတော်လဲ? အဖေ မတူ အမေ ကွဲ ညီအစ်ကိုတွေလား?)လောင်ထန်းရဲ့ မျက်လုံးများ တောက်ပလာသည်။
"သူ က ငါ့ကို အာရုံခံနေတယ်။ ငါတို့ရဲ့ ဆက်နွယ်မှုနှုန်း က အရမ်း မြင့်တဲ့ပုံပဲ၊ ငါ ခံစားလို့ရတယ်!"
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...