Chapter 69 : လူစုခြင်း
ရှဲ့စန်း က မြေပုံပေါ်တွင် အက်ဒမ် ပြောတဲ့ ဂြိုလ်ကို ရှာမတွေ့သဖြင့် သူ့ကိုယ်သူ ခဏလောက် စဉ်းစားလိုက်သည်။
( “မြေပုံပေါ်မှာ မရှိဘူး။ ရေး မထားတာလား")
အက်ဒမ်က ချက်ချင်းပဲ (“ဖြစ်နိုင်တယ်။ စကြဝဠာထဲမှာ မရေမတွက်နိုင်တဲ့ ဂြိုလ်တွေ ရှိပြီး တစ်ခုချင်းစီကို မြေပုံပေါ်မှာ မှတ်တမ်းတင်ဖို့ မဖြစ်နိုင်ဘူး… အိုး....၊ ဒါဆို ငါတို့ ဘာလုပ်သင့်လဲ”)
ရှဲ့စန်း က (“စိတ်မပူပါနဲ့ တစ်ခုခု စဥ်းစားလိုက်မယ်။ ဂြိုလ်ပေါ်မှာ မဟုတ်ဘဲ စကြဝဠာထဲမှာ မျောနေတာ ဖြစ်နိုင်မလား”)
(“မဟုတ်ဘူး၊ ငါ ခံစားလို့ ရတယ်။ စွမ်းအင် အပြည့်ရှိနေပြီး သဘာဝက ဝန်းရံထားတယ်။ စကြာဝဠာထဲမှာ မဖြစ်နိုင်ဘူး! အပင်တွေ အများကြီးရှိတဲ့ ဂြိုဟ်ပေါ်မှာပဲ ရှိရမယ်”)
ရှဲ့စန်း က (“ငါ သိပါတယ်။ ငါ တစ်ခုခုကို စဥ်းစားလိုက်မယ်")
("စန်း က အကောင်းဆုံးပဲ၊ ငါတို့ နည်းလမ်းရှာမယ်!") အက်ဒမ် က စိတ်အားထက်သန်တဲ့ လေသံဖြင့် ပြောသည်။
ရှဲ့စန်း ရယ်လိုက်သည်။ အက်ဒမ် ကို ("စိတ်မပူနဲ့ ငါနည်းလမ်း ရှာမယ်") လို့ပြောပါတယ်။
(“အင်း၊ အဲဒါဆို ငါ အနားယူလိုက်ဦးမယ်")
ရှဲ့စန်း က အက်ဒမ် ပြောတဲ့ အကွာအဝေးအရ ဘရန့်ဒ်ဂြိုလ်ရဲ့ ပတ်၀န်းကျင်ရှိ နေရာကို ခြေရာခံရင်း မြေပုံကို ခဏကြာအောင် စိုက်ကြည့်နေသော်လည်း ပြောတဲ့ဂြိုလ်ကို ရှာမတွေ့သေးပေ။ သူတွေးနေရင်းနဲ့ ဆက်သွရေးစက် က အသံထွက်လာသည်။ သူကြည့်လိုက်တော့ မုလင်း ခေါ်နေတာ ဖြစ်သည်။
"ဥက္ကဌ မု၊ ဘာဖြစ်လို့လဲ"
"မင်း မေ့သွားပြီလား။ တစ်လကျော် နေပြီ။ ဆေးစစ်ဖို့ အချိန် ရောက်ပြီလေ” ဟု မုလင်းက ပြောသည်။
ရှဲ့စန်း တကယ်ကို မေ့သွားခဲ့တာ ဖြစ်သည်။
"တောင်းပန်ပါတယ် ဒီတစ်ပတ် ပိတ်ရက် လာခဲ့ပါ့မယ်"
“အလုပ် မများဘူး ဆိုရင် ဒီည အလုပ်ပြီးရင် လာခဲ့လေ။ ကုလျှို့ နဲ့ ငါ ဒီည အလုပ်မှာ နောက်ကျတဲ့ အထိရှိတယ်"
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...