အခန်း (၁၇၁၉) : နောက်ထပ် ပျားရည်ဆမ်းခရီး
နောက်ထပ် ပျားရည်ဆမ်းခရီးတဲ့လား....
ပျားရည်ဆမ်းခရီးဆိုတာနဲ့ အရင်တုန်းက အကြောင်းတွေကို သတိရသွားသည်။ သူမတို့ အရင်တစ်ခါ ပျားရည်ဆမ်းခရီး သွားခဲ့စဉ်က ကိုးလ်က စိတ်အာရုံ ထွေပြားစေသာ ပိုးကောင်ကို အသုံးပြုကာ လီရာ၏ နေရာကို အစားဝင်ရောက်ဖို့ ကြိုးစားခဲ့သော်လည်း မအောင်မြင်ခဲ့ပေ။ အဲလ်ဗစ်နှင့် လီရာတို့က သရုပ်ဆောင်ပြီးတော့ သူမကို ပြန်ပေးဆွဲခဲ့ခြင်း ဖြစ်သည်။
သူမ သားရဲနတ်ဘုရား၏ တမန်တော်ဖြစ်လာကတည်းက သူတို့ မိသားစုသုံးယောက် ဘယ်တော့မှ ထပ်ပြီး မခွဲခွာခဲ့ပေ။
ထို့နောက် စနိတ်ခ်နှင့် ဂရက်ဂိုရီတို့ မိသားစုထဲ ဝင်ရောက်လာပြီးနောက် လုံးဝ ခွဲလို့ မရတော့ပေ။
သူတို့ လူသားကမ္ဘာကို ရောက်လာစတုန်းက စနိတ်ခ်က အဲလ်ဗစ်နှင့် လီရာကို တစ်ပတ်စော ပို့လိုက်သည့်အတွက် သူမက တစ်ပတ်လုံး စနိတ်ခ်နှင့် အတူ နေခဲ့ရသည်။
ထိုရက်အပိုင်းအခြားက သူမ၏ အချိန်စက်ဝန်းမှာ မပါရှိသော်လည်း အဲလ်ဗစ်နှင့်လီရာအတွက်တော့ သူမနှင့် ခုနစ်ရက် ခွဲခွာနေခဲ့ရသည်ဟု ခံစားခဲ့ရသည်။
စနိတ်ခ်ကလည်း ပိုက်ဆံရှာနေရသည့်အတွက် အလုပ်များနေသလို လီရာကလည်း ဂူမန်မန်၏ အမိန့်ကြောင့် ခွန့်တ်ကို ကုသပေးနေရသည့်အတွက် အဲလ်ဗစ်နှင့် နှစ်ယောက်ထဲ အချိန်ကုန်ဆုံးခဲ့ရပြန်သည်။
အစောင့်အရှောက် သားရဲဖြစ်သော ဂရက်ဂိုရီကို ဖယ်ထားလိုက်ပါက လူသားကမ္ဘာသို့ ရောက်ရှိလာပြီးနောက် သူမ၏ ပါတနာတွေထဲမှာ နှစ်ယောက်ထဲ အချိန်မကုန်ဆုံးရသေးတာ လီရာတစ်ယောက်သာ ရှိသည်။
သူမ၏ ပါတနာများက တစ်ခြားကိစ္စများနှင့် ပတ်သက်လျှင် အရမ်းရက်ရောကြသော်လည်း သူမနှင့် ပတ်သက်လာလျှင် အရမ်းတွက်ချက်ကြသည်။
လီရာ ပြောသည့်စကားအရ သူ စိတ်အားငယ်နေမှန်း ဂူမန်မန် နားလည်လိုက်သည်။
လီရာ၏ လည်ပင်းကို ဖက်ထားရင်း သူ့မျက်နှာကို ချစ်မြတ်နိုးစွာ ပွတ်သပ်ရင်း ပြုံးကာ ပြောလိုက်သည်
