ဗီလိန်တစ်ဦး၏ကံကြမ္မာ ဂူချန်းဂျီ အတွဲ ၁ (ခွင့်ပြုချက်ရပြီး)

အပိုင်း ၄၉

ဤတစ်ကြိမ်တော့ လင်းတန်အမှန်တကယ်ပဲ သေဆုံးသွားပြီ ဖြစ်၏။

အသက်ဝိဥာဏ်ချုပ်ငြိမ်းနေသည့် အေးစက်စက်အလောင်းမှတပါး အခြားကျန်ရစ်သည် မရှိပေ။

ဂူချန်းဂျီအတွက်တော့ ကံကြမ္မာသားတော်တွေကိုရင်ဆိုင်ဖို့နည်းလမ်းမှာ ရွေးချယ်စရာတိုးလာခဲ့သည်ဟု ဆိုနိုင်သည်။

တစ်ခုမှာ ကံကြမ္မာသားတော်တွေကို တိုက်ရိုက်ပဲ ရင်ဆိုင်​ချေမှုန်းလိုက်ခြင်း ဖြစ်သည်။ ထိုနည်းမှာ အလွယ်ကူဆုံးနည်းလမ်း ဖြစ်သည်။ သို့သော်လည်း သူ့အနေနဲ့ ကံကြမ္မာမှတ်များကိုသာ ရရှိမည်ဖြစ်ပြီး အပိုဆောင်းဆုကြေးကိုတော့ ရရှိမည်မဟုတ်ချေ။

အခြားနည်းမှာတော့ ယခင်လိုကံကြမ္မာသားတော်တွေ၏ ကံကောင်းမှုအမှတ်တွေကိုကုန်စင်အောင်ရိပ်သိမ်းပြီးမှ အဆုံးသတ်ပေးသည့်နည်း ဖြစ်သည်။

ဤနည်းလမ်းမှာ အနည်းငယ်အလုပ်ရှုပ်စေသော်လည်း ရလဒ်ကတော့ ထိုက်တန်သည်ဟု ဆိုနိုင်သည်။

ကံကြမ္မာအမှတ်တွေသာမက ဆုကြေးကြီးကြီးမားမားကိုလည်း ရရှိနိုင်သောကြောင့် ဖြစ်သည်။

ဂူချန်းဂျီ မြေအောက်ခန်းအတွင်းမှ ဟန်မှုယာကင်းသည့်အသွင်ဖြင့် ထွက်လာခဲ့၏။

သူ့စိတ်အာရုံတွေကို စနစ်၏မျက်နှာသွင်ပြင်ဆီသို့ပို့ကာ ကြည့်လိုက်တော့သည်။
........................................................

ပိုင်ရှင် : ဂူချန်းကျီ

ကိုယ်ရောင်ဝါ:ကောင်းကင်ဘုံဗီလိန်တစ်ဦး၏လမ်းစဥ်

နောက်ခံ :တာအိုနတ်ဘုရားနန်းတော်၏ အစစ်အမှန်တပည့်

မျိုးဆက်သွေးခန္ဓာ:နတ်ဆိုးနှလုံးသား၊တာအိုအရိုး

ကျင့်ကြံချင်းအဆင့်: အလယ်အလတ် အုပ်ချုပ်သူအဆင့်

မွေးရာပါစွမ်းအားနှင့်ကျင့်စဥ်: တာအိုနတ်ဘုရားကျင့်စဥ်(အဆင့်ခုနှစ်)၊
နတ်ဆိုးတစ်သောင်းခန္ဓာ(ပင်ကိုယ်စွမ်းရည်)၊ကောင်းကင်ဘုံ နတ်ဝိဥာဏ်(ပင်ကိုယ်စွမ်းရည်)၊အင်မော်တယ်ဝါးမြိုခြင်း နတ်ဆိုးကျင့်စဥ်