ဂူချန်းဂျီတို့အုပ်စု ရောက်လာခဲ့သည်ကို မှော်သားရဲများနှင့် အလောင်းကောင်များ၏ ဝိုင်းဝန်းတိုက်ခိုက်ခြင်းကိုခံနေရသည့် ရီလျုလွီတို့ သတိထားမိသွားကြသည်။
"ဂူချန်းဂျီ မဟုတ်လား..။"
"ဘာလို့ သူဒီလောက်မြန်မြန် ရောက်လာခဲ့တာလဲ..။"
ဂူချန်းဂျီကို မြင်လိုက်သည်နှင့် ရီလျူလွီမျက်နှာ ပျက်သွားခဲ့သည်။
အမှန်တော့ ရီချန်ကိုသတ်ဖို့ စိတ်ဝင်စားခြင်းမရှိဘူးဟု ဂူချန်ဂျီ ဖွင့်ပြောခဲ့သော်လည်း ရီလျူလွီစိုးရိမ်နေဆဲပင်။
ဂူချန်းဂျီလိုလူမျိုးက စကားမှန်ကို မည်မျှပြောနိုင်လိမ့်မည်နည်း...။
သူမစိတ်ထဲ၌ တစ်စုံတစ်ခုက မှားယွင်းနေသည်ဟု အမြဲသံသယရှိနေခဲ့သည်။
ဂူချန်းဂျီ သူမအကိုရီချန်ကိုမသတ်ပဲထားရသည်မှာ အခြားအကြံအစဥ်မျိုး ရှိနေနိုင်တာပဲ ဖြစ်သည်။
ဂူချန်းဂျီ၏ ရည်ရွယ်ချက်အစစ်အမှန်ကိုတော့ သူမသည်လည်း ဖော်ထုတ်န်ိုင်ခဲ့ခြင်း မရှိပေ။
သို့သောလည်း ယခုလိုချိန်၌ ဂူချန်းဂျီကို မြင်လိုက်ရသည်နှင့် သူမလျင်မြန်စွာပဲ ခန့်မှန်းနိုင်လိုက်၏။
၎င်းမှာ လျို့ဝှက်နယ်မြေနှင့် ပက်သတ်မှုရှိနေခြင်းပင် ဖြစ်သည်။
ဂူချန်းဂျီ၏နောက်ခံအရ အဆင့်တစ်ဝက်သူတော်စင်အဆင့်ပုဂ္ဂိုလ်တစ်ဦး၏အမွေအနှစ်ကို သူမက်မောနေလိမ့်မည် မဟုတ်ပေ။
ထို့ကြောင့် လျို့ဝှက်နယ်မြေအတွင်းရှိ တစ်စုံတစ်ခုသော အရာကြောင့် ဖြစ်နိုင်သည်။
"မဟုတ်သေးပါဘူး...။"
"အကိုကြီးရီချန်အပြောရဆို မြေပုံက သူဆီမှာပဲ ရှိတာတဲ့...။"
"ဒါဆို ဘယ်လိုလုပ်ပြီးတော့ ဂူချန်းဂျီ ဒီနေရာကို ရောက်လာခဲ့တာလဲ...။"
"သူ့ကိုကြည့်ရတာ တည်တည်ငြိမ်ငြိမ်နဲ့ သက်တောင့်သက်သာရှိနေတယ်...။"
"လမ်းမှာ အတားအဆီးတွေ မှော်သားရဲတွေနဲ့တောင် တွေ့ခဲ့ပုံမရဘူး...။"
ESTÁS LEYENDO
ဗီလိန်တစ်ဦး၏ကံကြမ္မာ ဂူချန်းဂျီ အတွဲ ၁ (ခွင့်ပြုချက်ရပြီး)
Aventuraဒီစာစဥ်မှာပါတဲ့ဇာတ်လိုက်ကျော်ကအခြားစာစဥ်တွေနဲ့မတူပဲ ဗီလိန်နေရာကိုကမ္ဘာကူးပြီးရောက်သွားခဲ့သူတစ်ဦးဖြစ်တာပါ။ အဲမှာဗီလိန်ဆိုတဲ့အတိုင်းမင်းသားတွေမင်းသမီးတွေနဲ့တွေ့ပါလေရောသူခမျာ ဗီလိန်ဆိုတော့မင်းသားတွေလို ဇာတာကမခေပဲကံကတော်တော်ဆိုးနေပါတယ်မင်းသားအထောင်းခံဘ...
