រដូវកាលទី០២៖ ទ្រុងស្នេហ៍ភរិយាក្រៅបេះដូង { the sacrifice }

ភាគទី៤១

ទ្រុងស្នេហ៍ភរិយាក្រៅបេះដូង {រដូវកាល០២}
ជំពូកទី05៖ វេលាដែលគ្មាននាង

ភាគទី41

ហ្វ្រេដនិងទាហ៊ានអាល់ហ្វាដែលមកលាក់បំពួនកាយនៅលើកោះរាប់អាទិត្យរង់ចាំពេលវេលាដែលដេនបង្ហាញខ្លួននិងយកដាលីត្រឡប់ទៅវិញ ពេលនេះគេក៏ធ្វើបានតាមការចង់បានហើយ គេយកបានដាលីត្រឡប់ទៅវិញហើយ។
ហ្វ្រេដបីដាលីមកដល់លើទូកធំដែលជារបស់គេ ហើយក៏បញ្ជាកូនចៅឲ្យចេញទូកទៅភ្លាមៗ ព្រោះគេមិនចង់ឲ្យមានការភ្ញាក់ផ្អើលដល់អ្នកភូមិស្រុកផ្សេងទៀតនោះទេ។ គេដាក់ដាលីឲ្យដេកលើកៅអីពូកដែលជាផ្នែកមួយដែលមាននៅលើទូកបែបទេសចរណ៍ទំនើបនោះ។
ដាក់នាងឲ្យគេរួច ហ្វ្រេដគេក៏មិនបានទៅណាសោះ ដោយគេនៅអង្គុយក្បែរកាយ សំឡឹងមើលមុខអ្នកសន្លប់ស្ដូកទន់រាងកាយព្រោះតែថ្នាំសណ្ដំមុននោះ ដៃម្ខាងលើកអង្អែលប៉ះក្បាលនាង ស្របជាមួយនិងអារម្មណ៍ដឹងខុសតិចតួចបញ្ចេញមក។
"ឲ្យបងសុំទោសណាដាលី.. យ៉ាងណាបងត្រូវតែយកអូនទៅផ្ទះវិញជាដាច់ខាត អូនជាមនុស្សខ្ពង់ខ្ពស់ មិនសមមកចំណាយពេលឥតប្រយោជន៍ជាមួយមនុស្សធន់ដូចអាដេននេះទេ" ហ្វ្រេដនិយាយសុំទោសនិងបកស្រាយទៅកាន់អ្នកដេកស្ដូកឯណោះជាមុន ព្រោះគេដឹងថាបើនាងនៅមានស្មារតី នាងច្បាស់ជាមិនព្រមស្ដាប់គេនោះទេ នាងប្រាកដជាខឹងដែលគេមកចាប់នាងយកទៅទាំងបែបនេះ តែគេមិនព្រមឲ្យនាងនៅជាមួយឧក្រិដ្ឋជនដូចជាដេនឌ្រីក៍ទេ។
ការធ្វើដំណើររបស់ហ្វ្រេដនិងដាលីក៏បន្តទៅជាច្រើនម៉ោងទម្រាំតែពួកគេអាចទៅដល់ច្រាំងម្ខាងដែលអាចឲ្យគេឡើងយន្តហោះបន្តទៅក្រុងបាន ដេនឌ្រីក៍បន្តបីដាលីចុះពីទូក រួចសម្ដៅទៅកាន់ឧត្ថម្ភចក្រដែលចតចាំជាស្រេចនោះ តែមុននឹងឡើងគេក៏ងាកបែរមើលទៅកូនចៅគេបន្តិច។
"កុំភ្លេចផ្ញើលុយទៅឲ្យក្មេងស្រីម្នាក់នោះផង បើមិនបាននាង ពួកយើងច្បាស់ជាគ្មានតម្រុយពីដាលីទេ ហើយកុំបញ្ចេញអត្តសញ្ញាណថានរណាជាអ្នកឲ្យនាងឲ្យសោះ"
"ចុះបើនាងសួរនោះអ្នកប្រុស?" ហ្វ្រេដលើកចិញ្ចើម ព្រួសខ្យល់ដង្ហើមធ្ងន់បន្តិចរួចទើបងាកបែរមើលទៅកូនចៅវិញ។
"ប្រាប់ថាជារង្វាន់ដែលរកប្អូនស្រីឧត្តមសេនីយ៍ឃើញទៅ ប៉ុណ្ណឹងគឺនាងយល់ហើយ"