ទ្រុងស្នេហ៍ភរិយាក្រៅបេះដូង {រដូវកាល០២}
ជំពូកទី07៖ នារីខួរក្បាលទទេស្អាត
ភាគទី82,83
ថ្ងៃបន្ទាប់
អាផាតមិនហ្វ្រេដ..
ការចាកចេញយ៉ាងស្ងប់ស្ងាត់របស់ហ្វាន៍លីងមិនបានធ្វើឲ្យហ្វ្រេដដឹងខ្លួនពិតមែន ក្រោយពីឡើងគ្រែជាមួយគ្នារួច នាយក៏ដេកស្ដូកស្ដឹងដូចជាមនុស្សស្លាប់ តែខោអាវក៏មិនខ្ចីឡើងស្លៀក ព្រោះស្រវឹងជោគខ្លួនហើយអស់កម្លាំងថែមទៀត មានតែសម្ងំដេកយកកម្លាំងសិនហើយ។
"អ្ហឺម..នៅឯណា? អ្ហឺម នាងនៅឯណា?" ខួរក្បាលដាស់តឿនសតិឲ្យគេក្រោក រាងកាយដែលរាងស្រាកស្រាន្តពីការនឿយហត់ក៏រើបម្រាស់ វាសទៅលើផ្ទៃពូកទទេស្អាតក្បែរខាងគេ ភ្នែកក្ដៅរងាលបើកសឹងតែមិនរួចព្យាយាមហើបត្របកភ្នែក ឡើងសំឡឹងមើលរកស្រីដែលទើបតែនាំគេសប្បាយមុននោះ។
"ទៅណាបាត់អញ្ចេស?" សំឡេងគ្រលរបែបស្អកបន្លឺពីមាត់អ្នកកំពុងតែពេញងងុយឯណោះ ហ្វ្រេដច្រត់ដៃឡើងរួចអង្គុយលើពូកទន់ល្មើយទាំងនៅមីងមាំងមិនទាន់បាត់សោះ ភ្នែកគេងាកបែរទៅចាំងភ្នែកនិងពន្លឺព្រះអាទិត្យដែលឆ្លុះចូលតាមបង្អួចអាផាតមិនគេ។
វ៉េវ!វ៉េវ..
ទោះជារាងកាយរៀងខ្សត់កម្លាំង តែស្មារតីក៏នៅមាន អាចឲ្យត្រចៀកវាងវៃចាប់បាននិងដៅសម្គាល់ថាសំលេងឡានដែលគេបានលឺនោះ វាជាឡានប៉ូលីស។ ដំបូងវានៅឆ្ងាយដាច់សង្វែង តែក្រោយមកក៏លឺកាន់តែជិតទៅៗដល់ថ្នាក់សឺរ៉ែនសំឡេងនៃអាផាតមិនគេបន្លឺឡើងច្រេកៗពេញអាផាតមិន។
"ចង្រៃយ៎!!" ការរ៉េផ្លិចរបស់ហ្វ្រេដគឺលឿនខ្លាំងមែនទែន គេប្រញាប់ក្រោកចេញពីគ្រែ ទាញយកខោជើងវែងយកមកស្លៀក មិនទាំងបានពាក់អាវស្រួលបួលផង គេកញ្ឆក់ទាញសោរឡានស្ព័រខ្លួនរួចប្រញាប់រត់ចេញពីបន្ទប់នោះភ្លាម។
ក្រឡេកទៅមើលខាងក្រុមប៉ូលីសដែលទើបតែចូលមកដល់ឯណោះ ពួកគេគឺជាក្រុមអាល់ហ្វាដែលកាន់កាប់ផ្ទាល់ដោយនាយឧត្តមសេនីយ៍ជុងហ្គុកនោះឯង ថ្ងៃនេះពួកគេចុះប្រតិបត្តិការណ៍ដោយមានឧត្តមសេនីយ៍ចុះមកជាមួយពួកគេដោយផ្ទាល់ដែរ។ ជើងម្ខាងទម្លាក់ចុះក្រោយទ្វារឡានទាហ៊ាន មុននិងភ្នែកសំឡឹងចំទៅអាផាតមិនធំស្កឹមស្កៃលយបង្អួតភ្នែកគេទាំងកណ្ដាលថ្ងៃឯណោះ ជុងហ្គុកក្របួចមាត់បន្តិចរួចងាកមើលទៅកូនចៅដែលកំពុងតែចូលទៅឆែកឆេរឯណោះ។
"កុំធ្វើអ្វីផ្ដេសផ្ដាស រកតែអាហ្វ្រេដសិនមក"
"បាទទាន៎" គ្រាន់តែទទួលបានបញ្ជាភ្លាម ពួកគេក៏ប្រញាប់រត់ចូលទៅឆែកឆេរភ្លាម អ្នកខ្លះក៏ចូលទៅផ្ទះធំ ចំណែកឯអ្នកខ្លះក៏ទៅមើលនៅឯការ៉ាស់រឺក៏បន្ទប់សម្ងាត់ដែលហ្វ្រេដអាចនឹងប្រើសម្រាប់លាក់ខ្លួន។
ពួកគេព្យាយាមស្វែងរកតែក្នុងបរិវេណអាផាតមិន តែក៏គ្មានអ្នកណាប្រទះភ្នែករឺចាប់អារម្មណ៍ងាកមើលទៅខាងក្រៅរបងអីបន្តិចទេ រថយន្តស្ព័រដែលបើកចេញនៅក្ដៅម៉ាសុីនកំពុងតែចតសំឡឹងមើលទៅក្រុមទាហ៊ានចូលឆែកឆេរកន្លែងរស់នៅដ៏ប្រណីតរបស់គេ ដៃម្ខាងកាន់ក្ដាប់ចង្កូតឡានសឹងតែបាក់ចូលគ្នា ភ្នែកឡើងក្រហមរាលដាលពេញទាំងមុខ ព្រោះតែភាពខឹងសម្បារដែលខ្លួនកំពុងតែមាន ហ្វ្រេដកញ្ឆក់ទាញទូរសព្ទ័ពីក្នងដៃយកមក រួចក៏ឆែកមើលកាំមេរ៉ាសុវត្ថិភាពនាយប់ក្រោយពីគេបានឡើងគ្រែជាមួយហ្វាន៍លីងរួច សកម្មភាពលានិងថើបថ្នាក់ថ្នមដែលហ្វាន៍លីងបានផ្ដល់ឲ្យគេ ហាក់បីដូចជាមិនអាចលុបបំបាត់កំហឹងដែលទាក់ទងនិងការដែលឃើញនាងលូកដៃបង្កប់អ្វីម៉្យាងក្រោមទូក្បែរគ្រែរបស់ខ្លួនឡើយ។
"កុំឲ្យយើងរកនាងឃើញឲ្យសោះ ហ្វាន៍លីង ហ្វារ៍ ស្រីក្បត់"
YOU ARE READING
រដូវកាលទី០២៖ ទ្រុងស្នេហ៍ភរិយាក្រៅបេះដូង { the sacrifice }
Romanceគំនុំគ្រួសារនាំឲ្យបុរសម្នាក់កើតការស្អប់ខ្ពើមនឹងព្យាយាមកុហកខ្លួនឯងថាគេមិនត្រូវការនាង
