ទ្រុងស្នេហ៍ភរិយាក្រៅបេះដូង {រដូវកាល០២}
ជំពូកទី02៖ ជីវិតគូបោកប្រាស់(ត)
ភាគទី19
ហ្វូ!
ភឹបៗ
ខ្យល់សមុទ្រពេលរាត្រីបក់បោកខ្លាំងសមល្មម តែក៏នៅមិនឈ្នះសំឡេងអូប៊រនិងម៉ូតូទឹកជាច្រើនដែលកំពុងតែធ្វើដំណើរឯណោះ វាដូចជាការស្មានរបស់ដេនដាលីមិនខុស មានមនុស្សកំពុងតែធ្វើដំណើរតាមជើងទឹកសម្ដៅទៅកោះHiddenseeពិតមែន។
"គ្នាយើងដែរទៅកោះRügenបានប្រាប់មករួចថាគ្មានអ្វីគួរឲ្យសង្ស័យទៀតនោះទេលោកហ្វ្រេដ" បុរសកាយខ្ពស់ស្លៀកឈុតសុីវិលធម្មតាតែក៏មានអំណាចអាចបញ្ជាទាហ៊ានបានយ៉ាងសមសួន ព្រោះគេជាមនុស្សជំនិតរបស់លោកឧត្តមសេនីយ៍ ហើយគាត់ក៏បានផ្ដល់សិទ្ធិឲ្យនាយមិនតិចដែរសម្រាប់កាន់កាប់ក្រុមទាហ៊ានអាល់ហ្វាទាំងនេះ។
"យើងនៅសល់ប៉ុន្មានកោះទៀត? ហើយកោះដែលត្រូវទៅបន្ទាប់នេះជាកោះស្អី?" ហ្វ្រេដជ្រឹមចិញ្ចើមគិតទាំងតឹងចិត្ត នេះគេចំណាយពេលតាមរកដេនដាលីសឹងតែរុករើអស់គ្រប់កោះ តែបែរជាគ្មានសូម្បីតែតម្រុយទាល់តែសោះ នេះបើសិនជាដូចអ្វីដែលបងប្រុសនាងបាននិយាយនោះ បើគេរកឃើញដាលី គេក៏អាចនឹងមានឱកាសចាប់បានឧក្រិដ្ឋដេនឌ្រីក៍ម្នាក់ទៀត វាដូចជាព្រួញមួយបាញ់បានសត្វ2អញ្ចឹង។
"យើងសល់ច្រើនកោះទៀត តែថាកោះដែលយើងទៅបន្ទាប់នេះមានប្រជាជនចេញចូលទៅកាន់ជាយគោកខាងនោះរហូត បើសិនជាដេនដាលីរឺក៏អាដេនឌ្រីក៍វាចេញចូលឡើងកោះពិតមែន ប្រាកដណាស់ថានឹងមានគេឃើញវានោះ"
"ដរាបណាមិនទាន់បានទៅជាន់លើដីកោះនោះ យើងមិនទាន់អាចនិយាយស្អីបានទាំងអស់ ការដែលសំខាន់ពេលនេះគឺការតាមរកប្អូនស្រីរបស់លោកឧត្តមសេនីយ៍ដែលបាត់ខ្លួនទៅនោះ ជីវិតអូនដាលីសំខាន់ជាងនរណាៗទាំងអស់" ហ្វ្រេដទម្លាក់ក្រដាសផែនទីចុះរួចក៏ដើរទៅឈរច្រត់ចង្កេះសំឡឹងមើលទៅពន្លឺរឹមៗដែលមាននៅលើកោះនៅពីចម្ងាយដែលគេអាចមើលឃើញឯណោះ ក្នុងចិត្តកើតមានក្ដីសង្ឃឹមជាប់រហូតក៏ព្រោះតែគេមានអារម្មណ៍ថាគេច្បាស់ជារកឃើញដេនដាលី មនុស្សស្រីដែលគេតែងតែព្រួយបារម្ភមករហូតនោះ។
"ចាំបងណា៎ ដាលី! បងហ្វ្រេដកំពុងតែទៅរកដាលីហើយ យើងទៅផ្ទះវិញ"
YOU ARE READING
រដូវកាលទី០២៖ ទ្រុងស្នេហ៍ភរិយាក្រៅបេះដូង { the sacrifice }
Roman d'amourគំនុំគ្រួសារនាំឲ្យបុរសម្នាក់កើតការស្អប់ខ្ពើមនឹងព្យាយាមកុហកខ្លួនឯងថាគេមិនត្រូវការនាង
