Talim ng titig
Mga matang nakakaligalig
Tikom ang bibig
Presensiya'y walang bakas ng pag-ibig
Kahapon lang ay walang nararamdaman
Ngunit nang kinabukasan ay bigla ka na lamang nagustohan
Ano ang iyong gamit na mahika?
Bakit sa talim ng titig ay walang bakas ng pag-ibig sa iyong mga mata?
Talim lamang
Wala nang iba pa
Makulimlim ang langit
Apat na metro ang layo
Sa tabi ng bintana ang iyong mga mata'y nakapako
Matapos mag-iwas ng tingin sa akin
Animo'y kisapmata
Talim ay nagsilbing linya sa pagitan nating dalawa
Titig na hugis pana
Na tumama sa aking kaliwang dibdib
Sentro sa puso
Na nais isigaw ang sakit
"Ah!" Nais kong isigaw
Kaonti na lamang ay maririnig na ang mga palahaw
Kapag minamalas ka nga naman!
Ano ba't parang suki ng pagkakamali ni kupido ang aking nararamdaman!
Talim!
Iyon lamang ba ang lahat?
Kagaya ng sa iba ay hindi parin ba ako naging sapat?
—sane
BINABASA MO ANG
Sana Bukas Hindi Na Masakit
PoetryMga likhang para sa kanya, mga tagong salita na kailanman ay hindi niya makikita. Hahanapin ngunit hindi matatagpuan, nais basahin ngunit nakakubli sa maraming mga larawan. Nagtapos na ito no'ng tuluyan nang naglaho ang aking nararamdaman para sa ka...
