WANTED: BOYFRIEND ON CALL

BOC: MISSING APHRODITE

3RD PERSON'S POV

Walang nagawa ang mommy at mga kapatid na babae ni Aphrodite. Umiyak sa loob ng kuwarto ng mag-asawa si Hera. Nakatalikod ito kay Zeus ng matulog ng gabing iyon. Isang bibihirang pangyayari sa pagsasama ng mag-asawang Enriquez. Ngunit hindi kayang magkaila ng pusong nangungulila at labis na nasaktan dahil sa binitiwang parusa ni Zeus para sa bunsong anak.

"She failed from my expectations" Sabi ni Zeus.

"Iba-iba pa rin sila, Zeus. Hindi mo puwedeng itulad at ikumpara ang iyong anak sa kanyang mga ate. Alam mo kung gaano kainosente si Aphrodite. Hindi man natin akalaing mai-in-love siya kay Adonis sa ganoong kaikling panahon. Hindi mo dapat siya ipinagtabuyan ng ganun na lang para sumama kay Adonis, lalo siyang mapapahamak."

"Huwag mong kwestiyunin ang ginawa ko... Nararapat lang iyon sa lapastangang anak na tulad niya"

Humagulgol si Hera. Nabasa ng luha ang kanyang unan. Hindi siya niyakap ng lalaki. Hinayaan niya itong lunurin ang sarili sa pag-iyak. Sa kauna-unahang pagkakataon, unang gabi na wala ang anak sa kanilang tahanan.

Nag-alala si Hera para sa bunsong anak. Wala siyang nagawa kundi humagulgol buong magdamag hanggang sa gumising ito kinabukasan ay iyak ang almusal nito. Hindi siya sumabay sa asawang lalaki.  Walang imik ang lalaki na parang hindi apektado at parang walang nangyari.

Nakayuko ang tatlong dalaga. Hindi na sila nag-usisa sa ama. Hindi sila nagtanong kumabakit ganoong kabigat ang naging desisyon niya dahil alam na nila ang masamang mangyayari sa huli. Humalik pa rin ang mga ito upang magpaalam sa ama pagkatapos kumain.

Inakyat ang ina at doon ay nag-iyakan ang apat sa nangyari kay Aphrodite. Inabutan ni Zeus ang kanyang mag-iina.

"Huwag na huwag kayong susuway sa utos ko kung ayaw ninyong sumunod kay Aphrodite. Malalaman at malalaman ko kung sino ang lihim na makikipagkita .... Naiintindihan ba ninyong lahat!" Sigaw ni Zeus. Parang kulog ang boses nito sa lakas.

Hindi iyon isang babala kundi isang banta sa lahat.

May parusa ding naghihintay sa kanila.

Simula noon ay tuluyang naputol ang komunikasyon ng mag-iina kay Aphrodite. Ngunit gumawa pa rin ng paraan si Hera sa tulong ng kanilang mga kasambahay. Itinataon nila ito sa paggogrocery kaya hindi na sila nasusundan ng kung sino mang detective na inupahan ni Zeus.