[Unicode] ရောင်စဉ်ရဲ့ပေါက်တောက်ကရဆန်အောင်ရိုက်ထားတဲ့ပုံတွေကိုပြန်ကြည့်ရင်း သက်တံ့ကျေနပ်စွာရယ်နေမိသည်။
"သက်တံ့.........."
ရုတ်တရက်ကြီး နှင်းဝင်လာ၍ သက်တံ့ဖုန်းကိုချက်ချင်းပိတ်ပစ်လိုက်သည်။ သူမကတော့ သက်တံ့အနားဝင်ထိုင်လိုက်ရင်း....
"ဘာတွေကြည့်ပြီးပြုံးနေတာလဲ သက်တံ့....သက်တံ့ပြုံးတာဒီတစ်ခါပဲမြင်ဖူးသေးတယ်...ဘယ်အရာကများသက်တံ့ကိုပြုံးစေတာလဲ..."
သူမစပ်စပ်စုစုဖုန်းကိုမျက်စိရောက်နေမှန်းသိ၍ ဖုန်းကိုအိတ်ကပ်ထဲထည့်လိုက်ပါသည်။ ထို့နောက်ချက်ချင်းမတ်တတ်ထရပ်လိုက်သည်။
"ဘယ်လဲ....သက်တံ့.....ကျောင်းပိတ်တုန်းလေးတွေ့ရတာကို."
နှင်း သူ့လက်ကိုလှမ်းဆွဲပြီးတားလေသည်။
"ငါမင်းနဲ့မတွေ့ချင်ပါဘူး.....ဖယ်....."
သက်တံ့ကသူမလက်ကိုခါချလိုက်စဉ် သူမထလာပြီးသက်တံ့ကိုဖက်လိုက်လေသည်။
"အရမ်းလွမ်းတာပဲ သိလား.......ဒီရင်ခွင်လေးကိုတစ်ခါလောက်ခိုနားပါရစေ....."
နှင်းသူ့ကိုတင်းကြပ်စွာဖက်ထား၍ သက်တံ့စိတ်မရှည်ဖြစ်ရပါသည်။
"ငါတော့မင်းကိုမလွမ်းဘူး....ဖယ်...."
သက်တံ့သူမလက်ကိုအတင်းခါချရင်း သက်တံ့ထွက်သွားဖို့ရွယ်လိုက်သည်။ ထိုစဉ်သူမက သက်တံ့အား သူမဖုန်းကိုဖွင့်ပြလေ၏။
"ဒါလေး...တစ်ချက်လောက်လှည့်ကြည့်ပါဦး....ကိုရေ....အခုဆို ရှင့်ဖေဖေကကျွန်မတို့ဆီကနေအရင်းနှီးယူနေရပြီ.....သူကုမ္ပဏီကိုလည်းကောင်းကောင်းထိန်းချုပ်ပုံမပေါ်တော့ဘူး...ယောကျာ်းတွေနဲ့ပဲပျော်ပါးနေပုံရတယ်နော်.....ကျွန်မကတော့အဲ့ဒီအရင်းနှီးကိုထည့်မတွက်ပါဘူး....ဘာလို့လဲဆိုတော့တစ်နေ့ကျရင်အဲ့ဒီအရင်းနှီးအစား သက်တံ့ကိုပိုင်ဆိုင်ရမှာလေ....."
နှင်းရဲ့ခြိမ်းခြောက်စကားကြောင့် သက်တံ့အေးစက်စွာရယ်မိပါသည်။
"နှင်း.....မင်းအခုဘယ်သူ့ကိုခြိမ်းခြောက်နေတာလဲ.....ငါ့ကိုအဲ့လိုနည်းနဲ့သိမ်းပိုက်လို့ရရင်လုပ်ကြည့်စမ်းပါ...."
YOU ARE READING
ေခ်...ေခ်...ေခ်...(complete)
Romanceနာမည်တူကောင်လေးနှစ်ယောက်ရဲ့မတူညီတဲ့အကျင့်စရိုက်လေးတွေနဲ့ နောက်ကွယ်ကအကြောင်းများ..... အချစ်ကိုလှည့်စားခံရပြီးတဲ့နောက်စိတ်ဒုက္ခတွေဖြစ်ရတဲ့gayလေးတစ်ယောက်....... Tom boyတစ်ယောက်ဖြစ်ပေမယ့် ကောင်လေးတစ်ယောက်ကိုစိတ်ဝင်စားမိသောအခါ......... အဲ့ဒလို အဲ့ဒလို ရှ...
