(Uni) ရက်တော်တော်ကြာတော့ ရောင်စဉ်ခေါင်းကဒဏ်ရာကျက်သွားပြီဖြစ်၍ချုပ်ရိုးဖြည်ကာ ဆေးရုံကဆင်းလာခဲ့သည်။ စေရာနဲ့ရဲသွေးလည်း သူ့ကိုထိန်းကာဆေးရုံကနေထွက်လာကြသည်။
ထိုစဉ်လူတစ်ယောက် ဆေးရုံကိုအတင်းပြေးဝင်လာသည်။
"ဖယ်...ဖယ်....ဘေးကို ဘေးကို...."
ပိုက်ဆံတစ်ချို့ကိုလက်ကကိုင်ပြီးပြေးလာရာ လမ်းလယ်တည့်တည့်မှာရောင်စဉ်ကိုဝင်တိုက်မိလေသည်။
......အမယ်လေးဗျ......
အရှိန်နဲ့မို့ ရောင်စဉ်ရောထိုလူရောလဲသွားလေသည်။ ထိုလူ့လက်ထဲကပိုက်ဆံတွေမှာပြန့်ကျဲကာ ရောင်စဉ်အပေါ်သို့လွင့်ကျလာ၏။
"ဟေ့လူ....ခင်ဗျားလူနာကိုဝင်တိုက်ရလား.....ရောင်စဉ်...ထ."
"ရောင်စဉ်....ဘယ်နားနာသွားလဲ...... ထ....ထ"
စေရာနဲ့ရဲသွေးပြောစကားကိုမကြား။ သူ့အပေါ်ကိုပြန့်ကျဲလာတဲ့ထိုပိုက်ဆံတွေကိုမြင်ရင်း ဆေးရုံကအတိတ်တချို့ကိုသာမြင်ယောင်နေမိသည်။
....... ဆေးရုံလား....ငွေရုံလား...မသည်းကွဲဘူး ......ကျွန်တော်ကစေရာ့ရဲ့အကိုဗျာ...လက်မှတ်လားကျွန်တော်လုပ်ပေးမယ်.......
ဘယ်သူမှန်းမသိတဲ့လူတစ်ယောက်ရဲ့နူတ်ခမ်းကပြောစကားများ....သူရဲ့လက်ကနေပြန့်ကျဲခဲ့တဲ့ပိုက်ဆံတွေ...... ထိုမြင်ကွင်းတွေသူပြန်မြင်လာသည်။ ရောင်စဉ်ထိုမြင်ကွင်းကြောင့် တအံ့တသြစေရာကိုမော့ကြည့်လိုက်မိ၏။
".....စေ.......စေ...စေရာလား........"
နူတ်ခမ်းမှမရဲတရဲနဲ့ စေရာကိုခေါ်ကြည့်ရာ....စေရာပင်အံ့သြ သွားသည်။
"ငါ့......ငါ့နာမည်ကိုသိပြီလား.......ဘယ်.......ဘယ်လို.....??"
ရဲသွေးလည်း သူ့ရှေ့သို့ရပ်ကာ သူ့မျက်နှာကြီးကိုရောင်စဉ်ဆီသို့အတင်းကပ်လိုက်သည်။
"ငါ့ရောမှတ်မိလား....ငါဘယ်သူလဲသိလား.....ငါလေ....."
"မျက်စိနောက်တယ်ငါ့ရှေ့ကဖယ်....စေရာငါ့ကိုထူပေးဦး"
စေရာလည်းသူ့ကိုထူပေးကာ ဆေးရုံကနေထွက်လာကြသည်။ ရဲသွေးတစ်ယောက်ပါးစပ်ဟောင်းလောင်းနဲ့ကျန်ခဲ့လေ၏။
YOU ARE READING
ေခ်...ေခ်...ေခ်...(complete)
Romanceနာမည်တူကောင်လေးနှစ်ယောက်ရဲ့မတူညီတဲ့အကျင့်စရိုက်လေးတွေနဲ့ နောက်ကွယ်ကအကြောင်းများ..... အချစ်ကိုလှည့်စားခံရပြီးတဲ့နောက်စိတ်ဒုက္ခတွေဖြစ်ရတဲ့gayလေးတစ်ယောက်....... Tom boyတစ်ယောက်ဖြစ်ပေမယ့် ကောင်လေးတစ်ယောက်ကိုစိတ်ဝင်စားမိသောအခါ......... အဲ့ဒလို အဲ့ဒလို ရှ...
