رواية( ولا في الأحلام.. حبك)
حسناء '' اهلا وسهلا.. ازيك يا أميرة ..وحشتيني اوي ''
اميرة.. '' وحشتيني اوي يا سوسو. بس والله غصب عني . المهم انت عاملة ايه دلوقتي ''
حسناء. '' الحمد لله رب العالمين.. احسن بكتير.. خير شكلك عايزة تقولي حاجة''
اميرة تتنفس بعمق ثم تبتسم. '' بصراحة كده... انا خطوبتي الخميس اللي جاي. ''
حسناء تعتدل في جلستها وتقترب منها لتحضنها وتدمع عيناها قائلة '' الف مبروك ...ربنا يكملك علي خير. ويسعدك ويفرح قلبك. ''
وما ان رات اميرة دموعها ادمعت هي ايضا وقالت. '' انا اسفة بس احمد نازل بس اسبوع أجازة ..''
حسناء. '' ليه يا أميرة بتقولي كده بس.. كفاية تأجيل بقي. وبعدين انا مش فاهمة انتي ليه مش عايزه تفرحي وتفرحينا معاكي ''
اميرة ببكاء. ''يا حسناء أنتي أختي. اللي طول عمري بدور عليها . وبابا وماما دايما بيعملوا اللي انا عايزاه بس دايما كنت نفسي في اخت اعرف اقولها كل أسراري وتفهمني من غير لما أتكلم..
وانتي أكتر من اللي كنت بتمناه.. واللي حصل الايام اللي فاتت... تعبني زي ما تعبك بالظبط ..عايزاني ازاي بقي أفرح وانتي بالحال ده. ''
حسناء وهي محتضنة اميرة. '' ماله حالي يا أميرة ..ماله حالي ..انا الحمد لله حبقي كويسة جدا.. ان شاء الله حبقي كويسة .... ''
أميرة .'' ان شاء الله.. حتبقي كويسة انتي خسارة فيه.. حسبي الله ونعم الوكيل فيه.''
.. ''المهم فين مامتك و أخواتك ''
حسناء. '' سافروا لعمو حسن النهاردة عازمهم علي حفلة''
اميرة. ''يا نهار اسود يا حسناء بقي يبقي في حفلة وسفر ومتقوليش. ''
حسناء ''ليه كنتي حتعملي إيه يعني ''
اميرة تتصنع الغضب . '' كنت لبست الحتة اللي على الحبل وسافرت معاهم علي الاقل اتفسح
... اهو أختك جميلة بكرة تيجي تتنطط عليا وتغيظ فيا ..''
حسناء تضحك بشدة '' مش عارفة ليه عالطول بتغيظوا في بعض كده ''
أميرة '' علشان خاطري يا حسناء.. اوعديني انك حتفوقي لنفسك بقي .ممكن ''
حسناء تهزبرأسها نعم ثم تقول. '' ان شاء الله ''
-------------------- ****''
في بيت حسن الاشقر ''
ياسمين. '' يا نهار. كل ده بيت شفتي يا ماما الورد قد إيه والنور.. كاننا في مسلسل تركي ''
جميلة. '' اسمها فيلا يا جاهلة... يا بخت اللي عايشين هنا..
بصي بصي يا بت شفتي البنات اللي هناك لابسين إيه ..وقال ايه ابوكي طول السكة يشتم فيا علشان حطيت روج ''
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
