عند مصطفي وحسناء
ليلا في منزل حسناء ومصطفى
حسناء " مبروك يا دكتور ..جايلك حفيد في السكة "
مصطفي يبتسم ويقول بفرحة ظاهرة على وجهه " الحمد لله رب العالمين ..هى الين حامل "
حسناء " يا رب يا مصطفي .. يارب الين تبقي حامل .. بس مش هى ..دى نجوان .المرة دى حتبقى جد بجد "
مصطفي قلت فرحته قليلا ثم قال" الحمد لله ..ربنا يكمل حملها على خير وتولد بالسلامة ان شاء الله"
حسناء نظرت له ثم اقتربت له وقالت وهى جالسة امامه مباشرة تنظر الى عينيه " مش فرحان ده اول حفيد ليك "
مصطفي ينظر لها بجدية ويقول " .انا فرحان وسعيد جدا .. بس بصراحة كان نفسي ألين هى اللى تبقى حامل ..صعبانه عليا اوى .متأثرة جدا بموضوع الانجاب .. ربنا يرزقها هى ونسمة ..وبعدين يا دكتورة انا عندى حفيدين ولاد اشقر ابنى الكبير واللى جاى حيبقى الحفيد التالت . صدقينى مش حيفرق كتير عنهم ..ححبه زيهم بالظبط "
حسناء كانت تتأمل ملامحه بحب وابتسامة تزين وجهها تعبر عن مقدار عشقها وحبها له ظلت صامتة لم تتكلم ثم قالت بصوت هادى عذب " اجيب قلب منين يحبك حب اكتر من اللى بحبهولك .. حرام عليك ..أرف بحالى انا مبقتش قادرة على حبك "
مصطفى يضحك بصوت عالى جدا لدرجة ان حسناء تعجبت من ضحكه بهذه الطريقة ثم قال بعد ضحك " واخيرا يا حسناء بعد 20 سنة جواز بتتغزلى فيا .. استنيت كتير علشان اسمع منك الغزل ده ..بس هل ده حدث عارض ولا حيتكرر كل 20 سنة مثلا "
حسناء تضحك هى الاخرى وتقول مصطنعة الزعل " انت عالطول بتاكل وتنكر ..نسيت انى اتغزلت فيك قدام الناس كلها يوم فرح الاولاد "
مصطفى يقترب منها ويحضن وجهها بيديه ويقول " الغلط عليكى انتى اللى كل فين وفين لما تفتكرينى بكلمة حب " ثم قبلها بحب جانب فمها .
حسناء تبتسم ثم تقول "وليه انت متفكرنيش "
مصطفى " هو انا عارف اتلم عليكى يا حسناء ..بس معلش انا كبرت وبقيت انسى .. ابقى فكرينى دايما بحبك وفرحى قلبى بكلامك ..علشان قلبى مبيشبعش من حبك ابدا "
ثم اقترب ليقبلها مرة اخرى الاان حسناء أوقفته قائلة " نجوان هنا "
مصطفى ينظر حوله ويقول " هنا فين "
حسناء بابتسامة " نايمة فى اوضة البنات ..حتقعد عندنا كام يوم علشان الحمل تاعبها ومحتاجه حد يهتم بيها "
مصطفى " ويحيي فين انا مشفتوش ..نايم هو كمان "
حسناء " لا يحيي حيفضل في شقته علشان يبقى قريب من شغله "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
