ولا في أحلام ...حبك
عند ياسمين واحمد
أحمد " انا متشكر ليكم اوى علشان بتهتموا باولادى "
ماجدة "لا يا حبيبي ..ولادك دول نعمة ..ربنا يبارك ليك فيهم ويهديهم كمان وكمان .. وياسمين بنتى متعلقة بمحمد ابنك اوى ..ومسليها ومالى عليها حياتها "
احمد "انا لاحظت كده ..وهو كمان متعلق بيها .بس ان شاء الله بعد يومين حاخد اولادى بقي انا الحمد لله بقيت كويس واقدر اعتنى بيهم .. واخدت اجازة من الشغل شهر كامل علشان ابقي معاهم طول الوقت وعقبال ما الاقي دادة تقعد معاهم فى وقت شغلى "
ماجدة "وليه يا ابنى دادة .. ما احنا اهو ؟ وبعدين انت حتأمن مع اولادك على دادة غريبة برده "
احمد " واعمل ايه يعنى .. حفضل كل يوم كده اشوف اولادى ساعتين بس "
ماجدة " لا .. بس ده كمان بيتك .. اقعد معانا هنا وخليك جنب عيالك ؟"
احمد "لا طبعا .. مش حينفع .. كفاية عليكم كده "
ماجدة "طاب ما تتجوز يا ابنى .. ولا انت حتفضل قاعد لوحدك عالطول "
احمد يصمت فترة ثم ينظر لها ويقول بابنسامة مليئة حزن "انا كنت يتيم يا امى ... ان عارف اولادى حاسين بايه دلوقتى .. ومع ان اللى ربتنى مرات عمى بس كنت حاسس دايما انى يتيم بين اولادها .. ازاى بقي اخلى اولادى يعيشوا نفس الماساة من تانى .. لا انا حفضل جنبهم ام واب .. علشانهم "
ماجدة "بس يا حبيبي ..صوابعك مش زى بعضها ..وعمر اولادك ما حيستغنوا عن ام .. وانت عمرك ما حتستغنى عن زوجة .. انت حر يا ابنى .. والله يا ابنى ربنا يعلم انا كنت بحب اسراء زى بناتى الله يرحمها ..بس كمان الحى ابقي من الميت علشان اولادك .. وانت بكرة تعيش وتجرب الحياة مع اولادك حتبقي عاملة ازاى من غير ام "
وهنا خرجت ياسمين حاملة ابن احمد الصغير تداعبه وتقول بفرحة " يلا .. يلا سمع بابا قولت ايه ؟ "ثم تنظر لاحمد وتقول "اخيرا نطقها .. قال بابا ..وكمان بيقول سين ..اللى هى انا وتيتة .. وففا اللى هو مصطفي "
ثم بدا الطفل يكرر كلماته وما ان نطق بابا اقترب منه احمد يقبله ويلاعبه
وكل هذا وياسمين مازالت تحمله ماجدة تنظر لابنتها وتقول " خليه يشيله شوية ..ويلعب معاه ولا حترميه زينا .. اصلها محرمة اى حد فينا يشيله او يهتم بيه غيرها "
احمد وهو يأخذ ابنه منها " وليه مستعجلة على الهم . بكرة تشبعى تعب لما تتجوزى "
وهنا ياسمين تدمع عيناها وتقول بألم "ياريت .. ياريت كنت اقدر ابقي ام على الاقل كنت لسة متجوزة ..." وتترك المكان .
ماجدة تتكلم بتأثر "معلش يا ابنى اعذرها .. اصل انت باللى قولته فكرتها بكل حاجة .. ياسمين كانت متجوزة واتطلقت بسبب انها مبتخلفش ..منه لله جرحها وأذاها كتير اوى "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
