في المستشفي
حسناء الجميعى بسعادة تحضن ابنتها ألين برفق وتقول " الف مبروك يا حبيبتى ...الحمد لله انك قومتى بالسلامة ..عاملة ايه دلوقتى ؟"
الين بتعب " الحمد لله ..هى فين يا مامي عايزة اشوفها ؟
حسناء تطمئنها قائلة " متقلقيش بنوتك زى القمر .. اهى هناك مع اميرة "ثم اشارت باتجاه اميرة الجالسة في ركن في الغرفة محتضنة الطفلة ولا تسمح لاحد ان يقترب منها وتتمتم ببعض الكلمات في اذن الطفلة الصغيرة ..
عمر ما ان لاحظ الين قد استعادت وعيها ..سرعان ما توجه هو الاخر اليها وجلس على الاتجاه الاخر ويقول وسعادة الدنيا كلها مرسومة على وجهه " حمد لله على سلامتك يا ليلو .. عمرية زى العسل شبهى الخالق الناطق .. "
يحيي كان جالس بالقرب منهم " حرام عليك اتقى ربنا ..كده تطلع سمعة على بنتك ..متقلقيش يا ليلو الحمد لله البت طالعة حلوة زيك ..مبروك وعقبال المرة الجاية بس برده شبهك ..اوعى تجيبى حاجة شبه الواد ده خالص .. العيلة مش ناقصة عاهات..كفاية هو "
عمر بغيظ من يحيي " ايه رايك بقى البت شبهى ..غصب عنك وعنها شبهى ..استنى يا ليلو حجيبلك البنت تشوفيها
ثم تحرك تجاه اميرة ليحمل الطفلة منها وما ان اقترب ليلمس البنت اميرة ضربته بقوة على يده واحتضنت البنت بشدة
عمر بطريقة طفولية " يا ماما ..دى بنتى ..انا عايز اشيلها شوية "
اميرة لا ترد عليه فقط تكمل ما كانت تفعله ( تتمتم بكلمات في اذن الطفلة )
حسناء ويحيي والين يضحكون عليهم .
وهنا يدخل عليهم اشقر وزوجته حسناء وسرعان ما اقترب اشقر من الين بابتسامة عريضة يقول " الف مبروك يا قمر ..الصغنن كبر وبقى ام " ثم قبلها في جبينها وقال بخوف عليها " عاملة ايه دلوقتى ؟؟
الين تهز راسها بابتسامة له وتقول " الحمد لله .."الين يبدو عليها التعب مما جعل اشقر يقول لها " شيدى حيلك يا ليلو علشان مقلقش عليكى .. " ثم بدأ يملس على شعرها بحنان
حسناء المنشاوى تقترب هى الاخرى وتسحبه من يده وتقول " انا كمان عايزة اطمن عليها ..ابعد يا اشقر شوية "
اشقرفقال بابتسامة بعدما شعر بغيرة حسناء عليه " دى اختى ..والله اختى ..على العموم انا حروح اقف مع عمر .." وتحرك .
حسناء جلست بجانبها تقول " حمدلله على سلامتك يا ليلواحكيلى بقى ..ازاى ولدتى فجأة كده "
حسناء الجميعى " ياااه... يا حسناء ده دى كانت افظع مفاجأة في حياتى كلها ..جينا طبيعى علشان النهاردة ميعاد متابعتها مع نهلة وفجأة نهلة وهى بتعمل السونار ..اتوترت وقالت بسرعة على العمليات ..عشت اصعب ساعة في حياتى ...الحمد لله "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
