ولا في الاحلام ... حبك
بعد سفر مصطفى رفضت حسناءان تترك بيتها وظلت به مما دفع والدها ووالدتها وعم حسن ينتقلون للعيش معها في البيت .
في بيت حسناء يصل احمد لياخذ اولاده سلم احمد على الجميع وودعوا الاطفال
حسناء "انت برده مصر .. خليهم معانا ... احنا خلاص اتعودنا على وجودهم .. حيتعبوك جدا "
احمد " معلش بس انا خلاص اخدت اجازة من شغلي شهر كامل علشانهم ..حقضيه معاهم .. وفي المدة دى حكون لاقيت دادة كويسة.. انا حتصرف متقلقوش ومتشكر جدا على .. رعايتكم ليهم طول المدة اللى فاتت "
ماجدة" على راحتك يا ابنى .. ربنا يقويك عليهم .. وينور بصيرتك "
احمد يطيل لها النظر بابتسامة ..ويمسك باولاده ويخرج اما ياسمين فظلت في غرفتها تبكى بشدة ..
***************************
بعد يومين .
حسناء "كل ده يا ياسمين .. يعنى مش مكفيكى 4 اولاد ومنهم اثنين شياطين عايزة عليهم محمد كمان "
ياسمين بدموع " انا بحبهم كلهم وانتى عارفة كده .. بس محمد حاجة تانية .. محمد ابنى ... ايوه انا بحس فعلا انه ابنى .. اول ما فتح عنيه كان على ايدى .. انا اللى رضعته وغيرت ليه وسهرت جنبه .. انا اول واحدة قال اسمها .. واول واحدة ضحك ليها .. واول واحدة عضها لما طلع ليه سنان .. انا حسيت ان ربنا عوضنى بيه عن كل اللى مريت بيه ..ده ابنى بجد .. انا حسيت معاه انى أم ونسيت معاه كل اللى عيشته .. تعرفي بالرغم انى تعبت معاه بس انا فرحانه بده ..يومى كان بيبدأ بيه لما يصحى .. وينتهى لما ينام ..اثر فيا وفى حياتى كلها لدرجة انى مش فاكرة عيشت ازاى قبليه .. بس فاكرة كل لحظة عيشتها وهو في حضنى .. وقد ايه كنت فرحانه بوجوده فى حياتى .. لانى بقيت أم "
حسناء بدموع متأثرة بكلام أختها تقترب تحتضنها " يا حبيبتى معلش .. ربنا يسعد قلبك .. ويحقق ليكى كل اللى انتى بتحلمى بيه .. ولو مش قادرة على بعده اوى كده .. نبقى احنا اللى نروحله ونزوره .. ونقضي اليوم عنده كمان .. والفترة اللى يوحشك فيها ابقى صبرى نفسك بعيالى هما متعبيين اوى .. وغلسين اوى اوى .. بس حيقضوا الغرض .حيخرجوكى من المود اللى انتى فيه "
ياسمين بابتسامة "دول عسل اوى .. وانتى عارفة انهم غاليين عندى قد ايه .. بس نسمة دى شيطانه صغيرة ابعديها عنى خالص "
وبدأوا الاثنين فى الضحك والتحدث لفترة .. ثم يخرجان معا الى الشرفة ..
وبعد فترة حسناء صامتة فقط تركز في شئ ما ياسمين " بس يا ستى .. ده بقي كل اللى حصل .. انتى بقى ايه رايك ؟"حسناء لا ترد ياسمين وهى تهز اختها " حسناء .. حسناء انتى سمعانى "
حسناء " ها ... بتقولى حاجة ... "
ياسمين " انا قولت حاجات كتير اوى . بس انتى بقى فين؟"
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
