رواية ولا في الاحلام ..حبك
في بيت محمد الجميعي .
يتم عقد قران مصطفي وحسناء ..في وجود الاقارب والاصدقاء ...
محمد '' الف مبروك يا ابني ..وخلي بالك من حسناء وولادها ''
مصطفي '' متقلقش يا عمي .دي فرصتي علشان اصلح غلطي زمان ... حسناء وولادها في عنيا ''
حسن يقترب '' خلي بالك منهم ''
مصطفي بابتسامة '' متقلقش الولاد في عنيا ''
حسن ''وحسناء قبلهم .. غلاوتها عندي زيهم ..ولو زعلتها حضربك بالكرسي اللي انا قاعد عليه ده''
مصطفي '' ههههه .وليه بس العنف ده ..انا مطيع وبسمع الكلام ..وصيها هي عليا''
حسن '' متقلقش انا موصيها كويس ..ولا ايه يا حسناء ''
حسناء ''..............''
اميرة '' معلش بقي يا عمو حسن مكسوفة .هههههه'''
اسراء اخت مصطفي '' الف مبروك يا حسناء ..بسم الله ما شاء الله متغيرتيش من ايام الجامعة ..وولادك قمر ..ربنا يحفظهم ..ويتربوا بقي في عزك يا مصطفي ''
حسناء ''............''
اميرة تضرب حسناء بكوعها وبهمس تقول ''ردي ..انطقي يا بت ..وافردي بوذ امك ده ..الكل واخد باله ''
حسناء تتصنع الابتسامة '' شكرا اوي ...ها حلو كده يا اميرة ''
قالتها بصوت مسموع مما جعل الجميع ينظر لها فترة ....
آدم '' الف مبروك يا مصطفي ومتنساش الوصايا ..لان حالة مراتك مش عجباني ''
مصطفي '' ولا انا مطمن ..بس المهم واخيرا بقيت مراتي ''ثم اتجه ليمسك بيدها ليخرجا معا ..ولكنها ظلت ممسكة باطفالها ولم تنظر له ..
فاقترب اكثر وحمل الين والقي التحية علي الجميع وخرج ..
ماجدة تقترب وتتحضن ابنتها وتقول بهمس'' اعقلي يا حسناء ..اعقلي واهدي ويلا علي بيتك الجديد ''
اميرة '' حسناء يا حبيبتي الف مبروك .. وخلي بالك من نفسك ..وبراحة شوية عل نفسك ''
ياسمين '' مبروك يا حسناء يا حبيبتي ..ربنا يبارك لكما وعليكما ويجمع بينكم في خير ..''
وما ان خرجت وركبت السيارة مع مصطفي فقط نطرت له وقالت في حدة'' مش انت اللي اصريت ... تبقي قد اختيارك المرة دي وتتحمل نتائجه ''
-------------------------------
محمد الجميعي '' الحمد لله اطمنت علي حسناء عقبال ياسمين بقي ''
ماجدة '' اطمنت عليها ..انت مشوفتش شكلها كان عامل ازاي وهي ماشية ..اوعي يا محمد تكون غصبت عليها ''
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
