ولا في الاحلام ...حبك
الجزء الثانى
الفصل الثانى عشر
حسناء اقتربت وامسكت بوجهه قائلة" لا ..انا لازم افهم ... انا مش مرتاحة لتعبيراتك" وظلت فترة تنظر الى عينيه وفجأة احد الاشخاص العاملين يمر من جانبهم فاذا بها تبتعد مسرعة عن مصطفي .
مصطفي " ده اللى اقصده يا حسناء .. هو انك جبانة في حبى .. طول الوقت بتخبى حبنا وبتخافي منه ..واسهل حاجة عندك هو انك تبعدى عنى ...ده اللى اقصده ..ياريت تكونى فهمتى " قالها وابتعد
اما حسناء ظلت مكانها تفكر فيما قاله مصطفي لها تتحدث مع نفسها بصمت "انا عمرى ما كنت جبانة في حبه .. بس انا خجولة ..هو اكيد مضايق علشان انا اهملته الفترة اللى فاتت .فعلا انا من يوم سفر اشقر وبعد رجوعه وانا بطلع كل غضبي عليه .وكنت بحمله اخطاء هو معملهاش .. انا فعلا اتماديت ..اتماديت اوى معاه ..هو من حقه يزعل ..بس انا كمان من حقى اصالحه .."
*************************
عند حسناء المنشاوى .والين
الين بتوتر " هى ماما فين ؟؟ واتاخرت ليه ؟"
جميلة" ماما راحت تطمن على اشقر..ربنا يكون فى عونها ام العريس والعروسة "
وهنا تدخل اميرة تغنى وتصفق بفرحة " لولولولوى .. بسم الله الرحمن الرحيم وحنبدأ لليلة ...الصلاة على النبى الصلاة على الزين .عروستنا حلوة وجميلة .... "الجميع التف حلوها وبدأوا الغناء معها والتصفبق ..وظل الفرح سائد بينهم لفترة ..
اميرة " خلاص انا مش حافظة الا الاغانى دى ..اوعوا بقي عايزة اتفرج على عروسة ابنى .."
نسمة " ايه اتفرج دى ؟؟ متحسنى ملافظك ؟"
اميرة " بسم الله ماشاء الله ..قمر ..عروسة ابنى قمر واختها ..ربنا امر بالستر "
وهنا ساد الضحك بين الحاضرين .ودخلت عليهم حسناء في هذه اللحظة .
اميرة " ايه ده ؟؟ انتى لسة ملبستيش .. مش حتحضرى فرح ولادك ؟؟"
حسناء " الوقت سرقنى كنت بطمن على الاولاد ..بس متقلقيش حلبس عالطول بس اشوف ليلو حبيبتى ..انتى طالعة جميلة اوى يا ليلو "
الين تحتضنها وبفرحة تقول " شكرا يا مامى .. بجد حلوة .. انا فرحانة اوى "
حسناء تنظر لها ثم تضيق عينها قائلة " بس ناقص حاجة ؟.. اه انا عرفت ناقص ايه ؟ ناقص ده ... " ثم اقتربت تلبسها عقد الماس .
نسمة تقترب وتقول بانبهار " اوبااااا ..يا بت المحظوظة من الصبح بتاخدى هدايا من الكل عمتك وجدك وكمان بابا اسورة وماما عقد .. والله ما ليا فيه انا عايزة زيها في فرحى انا كمان .. "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
