رواية ولا فى الاحلام .. حبك
عند ياسمين واحمد .
فى الصباح ياسمين بابتسامة جميلة توقظ احمد من نومه قائلة " صباح الخير يا احمد .. يلا علشان الفطار جاهز "
احمد ببرود " لا شكرا ماليش نفس "
ياسمين تختفي ابتسامتها من طريقة رده عليها ... ثم تقول بتردد" ممكن علشان خاطرى اصل الاولاد كمان صحيوا حناكل كلنا مع بعض .. صدقنى كلنا حنفتح نفس بعض "
احمد " انا مبرجعش في كلمة قولتها .. وانا قولت مش عايز افطر "
ثم يقف امامها مباشرة وينظر لها بحدة ويقول " مش عايزة تقولى حاجة تانية "
ياسمين "لا .. انت حر .. عن اذنك الاولاد مستنيني برة "
احمد يتكلم بغضب وبصوت به نبرة تهديد"ياسمين انا راجل صعيدى .. يا ريت تفهمى كده كويس .. وتعيشي معايا على الاساس ده .. مفهوم".
ياسمين تهز راسها بالقبول وتخرج من الغرفة ثم تهمس لنفسها بعدم فهم " صعيدى ؟؟؟ هما الصعايدة مش بيفطروا ؟؟ لا لا اكيد قصده انى مش اصحيه من النوم تانى .. كويس انه عرفنى علشان معملهاش تانى .. هو حر بقى انا مجهزة فطار يجنن "
**********************
عند اميرة واحمد .
اميرة " كل سنة وانت طيب يا حبيبي ..بكرة المولد النبوى "
احمد كان يقرأ الجريدة فاذا به يغلقها ويضعها امامه ثم يلتفت لزوجته" خير يا رب . .. ناوية على كام مصيبة النهاردة"
اميرة " انت ليه دايما ظالمنى كده ... كل ده علشان مطلبش منك حلاوة المولد يعنى ؟"
احمد بغيظ " انتى ناسية يا هانم اخر مرة قولتى فيها كل سنة وانت كانت امتى ؟ حصل فيها ايه؟"
اميرة ببراءة " حصل فيها ايه يعنى يا مودى ؟؟ انا وعمر كنا بنحتفل بالهالويين ( عيد الرعب )على طريقتنا مع الجيران .. واللى حصل بعد كده كان قضاء وقدر "
احمد يقاطعها " قضاء وقدر .. 13 مصاب و2 فى حالة خطر .. وتقوليلى قضاء وقدر "
اميرة "بس الحمد لله محدش مات يعنى .. ربنا سترها يا مودى "قالتها وهى تحاول التقرب منه وامساك ياقة قميصه .
احمد يبتعد عنها بغضب " استغفر الله العظيم .. انا بجد كان نفسي ان حد من المصابين يبلغ عنكم انتى وابنك وتتسجنوا علشان تتأدبوا وارتاح انا من جنونكم ده "
اميرة تتصنع الزعل" كل ده ليه؟؟ ها .. انا وعمر لبسنا لبس الهالويين وطلعنا نحتفل بيه مع الجيران .هما اللى خافوا مننا وطلعوا يجروا منا قلبهم خفيف .."
احمد " قلبهم خفيف يا جبارة .. طاب عم رباح ده كان حيموت فيها .. يا اميرة انا قولت بعد ما بقيتى ام لطفلين حتعقلي وتهدى عن جنونك ده .. بس للاسف جنونك ده مرض .. مرض ومش حيتعالج ابدا "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
