رواية ولا فى الاحلام ..حبك ا
لجزء الثانى ا
لفصل السابع
ليلا في شاليه عائلة الاشقر
نسمة " انا زهقت من الصمت ده ... ماتيجى نلعب "
روفيدا " والله فكرة ..بس حنلعب ايه ؟"
نسمة" نلعب اى حاجة ... تعالى نلعب كوكتيل اغانى .. كل واحد يغنى اغنية واخر حرف منها يبدأ غيره باغنية جديدة ..وكدا "
روفيدا " الله جميلة يلا .. بس حنلعب لوحدنا "
نسمة " لا .. يلا يا ليلو ..وانتى كمان يا حسناء ..مش حينفع نلعب لوحدنا "
حسناء المنشاوى"مملة اوى .. مش عايزة "
الين " وانا عندى صداع ..اعذرونى "
نسمة " حرام عليكم بقي بطلوا الاكتئاب اللى انتو فيه ده .. حيبقى هنا كمان .. يلا بقي بلاش رخامة "
ثم نظرت لسلمى ابنة اميرة " وانتى كمان ..مش عايزة تلعبى معانا ... ولا مالكيش في الاغانى ؟"
سلمى بابتسامة " لا ليا .. بس عايزانى بجد معاكم ؟؟"
نسمة " بصراحة شكلك كده بت عاقلة وهادية وجدعة وانا حبيتك مش زى امك لسانها ده عايز ....."تقاطعها اميرة التى خرجت فجأة من المطبخ تقول " مالها امها يا بت حسناء .. بتجيبي في سيرتى ليه؟"
نسمة "اطلعي من دماغي علشان انا ماليش نفس اتخانق دلوقتى ... يلا احنا يا بنات نبد أ"
جميلة " انتو بتعملوا ايه؟"
نسمة " احنا حنلعب كوكتيل اغانى .."
جميلة " الله ..انا عايزة العب معاكم "
اميرة " وانا كمان حالعب "
نسمة " هو احنا حنلم ... انتو راحت عليكم خلاص ..اقعدوا اتفرجوا بس "
اميرة بعناد " هى بقي كبرت في دماغى ... وحألعب "
جميلة " اهدى يا ميرو ..تعالى احنا حنبقي الحكم بينهم..."وبالفعل بدأوا في اللعب ...
ومن افتتح اللعبة نسمة التى غنت "ايه اخبار نفسيتو ؟؟ علشان اكلم حضرته ..علشان امهدلوا واشوف سكته وأشوفلى حل معاه ...حد يقولى نظام موده اصل انا بتلخبط في وجوده يا ويلي منه يا بروده الكون ماشي على هواه ..عماله اعيد في اللي بقوله ..واشوفه بسكت ولا اقوله مفيش طريق بدخلهوله الا ويسده في وشي ..اجى اقوله كلمة ويقفل ده صعب جدا ومقفل ..سهرانه عينى ولا بتغفل يا عينى سورى معلش ساق فيها وعرف انى حبيته واموت واروح فيها لو سبته والله اللى زيه بيتظبطوا دايما بقرصة ودن "
وما ان انهت الاغنية ساد الضحك بين الحاضرين ..لانها كانت تغنى بغيظ وتوجه كلمات اغنيتها الى حاتم المنشاوى ولكنه لم يلتفت لها ابدا ..ولم ينتبه اليها ..فتلتفت لجميلة وتقول "عاجبك كده ... شايفة ابنك ..انا خلاص حشوف حد غيره ..انا ايه الل غاصبنى على النكد ده "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
