رواية ولا في الاحلام ..حبك
الجزء الثانى
الفصل الثامن
دخل فارس الى القاعة ليهمس في اذن حسناء .. وبالفعل تقوم مسرعة معه ..كان يجلس بقربها ياسمين وجميلة وزوجها مصطفي الذى ما ان رأها تخرج مسرعة قام ليلحق بها ولكنها تاهت في الزحام .. فظل يبحث عنها بعينيه ولكن دون جدوى وما ان تحرك للطاولة التى كان يجلس عليها ..يسمع اسم زوجته .. انها سيدة لم يعرفها تتكلم عن زوجته ولكن بطريقة سيئة ...السيدة هى( نهال اخت اشرف المحامى ) جالسة مع احد صديقتها .
صديقتها " مين اللى خرجت معاه ده ارملة حاتم ... مش دى حسناء ارملة حاتم الاشقر ؟
نهال بضحكة استهزاء" .واحد من اللى بتعرفهم .. بس المرة دى صغير عليها اوى .. ده في سن ابنها .. بس هى متعودة على كده "
صديقتها "قصدك ايه؟"
نهال" تلاقيه لعبتها الجديدة .. ما هى دايما بتلعب على الاغنياء علشان فلوسهم .. زى ما عملت مع حاتم كده ..وكانت راسمة كمان على اخويا اشرف بس انا انقذته منها ؟"
صديقتها " هو اشرف كان عايز يتجوزها ؟؟ اصل كريم كمان كان عايز يتجوزها بس هى رفضت مع انك عارفة كريم غنى قد ايه؟؟
"نهال " يبقي ربنا انقذه منها ..عالطول بتمثل الطيبة لكن دى حية ..وعلشان كده اخدت جزائها ... اتجوزت واحد من مستواها تقدرى تقولى وقعت على جدور رقبتها هههههههههه"
مصطفي لم يستطع الاحتمال وكاد ان يرد الا ان نهى كانت بالقرب ايضا وسمعت الحديث وسبقته اليهم ..
نهال بابتسامة " نهى .. ازيك يا روحى .. I miss you
نهى " me too يا حبيبتى "
نهال " انتى رجعتى من هولندا امتى ؟ وفين اولادك اكيد كبروا "نهى " انا هنا من مدة .. واولادى واحد واقف هناك اهو ..ده حسن .. والتانى لسة خارج مع حسناء "
نهال " هو اللى كان مع حسناء ده ابنك ؟"
نهى " ايوه اصله بيحبها اوى .. ومتعلق بيها مووت . ومش هو لوحده انا وبابا وكمان امجد جوزى كلنا بنحبها وبنحترمها "
نهال بغيظ " ولسة بتحبوها بعد ما اتجوزت تانى ؟"
نهى تقترب وتقف في وجهها وتقول " حسناء اتجوزت اللى بابا اختاره ليها ولاولادها .. وحسناء هى الوحيدة اللى تستاهل تكون ارملة حاتم وام اولاده ...كفاية انها ربتهم احسن تربية واديكى شايفة ازاى ناجحين .. وكلنا بنفتخر بيه .."
نهال تغيرت ملامحها وامتلا الغضب وجهها.نهى تكمل حديثها " هو ابنك لؤى عامل ايه؟ مش شايفاه يعنى ؟؟ انا سمعت انه لسة متخرجش من الجامعة ..غريبة مع انه اكبر من اشقر .. على العموم ركزى في تربية ابنك يا نهال ..ومتدخليش في اللى مالكيش فيه .. ولولا انك اخت اشرف ..كنت اتصرفت تصرف تانى خالص ...."
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
