رواية ولا في الاحلام .. حبك لاسمهان محمد سيمو
الجزء الثانى
الفصل الواحد والعشرون
مرت الايام واليوم خطوبة يحيي ونجوان
عند نجوان ويحيي اجتمع الجميع في منزل الدكتور ادم ..والدكتورة سهيلة .وبعد ان تم الاتفاق وقراءة الفاتحة .
يجلس يحيي مع نجوان بمفردهما .
يحيي " انتى ساكتة كده ليه ؟"
نجوان " منتظرة انك تبدأ الكلام "
يحيي " انتى موافقة ولا ابوكى وامك غصبوكى عليا ؟"
نجوان " ابوكى ؟؟؟ امك ؟؟.. انا حابة بس الفت انتباهك ان الفاظك صعبة شوية .. طريقة كلامك مش مظبوطة "
يحيي " ليه ؟؟ بتكلم بالالمانى ؟"
نجوان " على فكرة انا عرفت مشكلتك ايه ؟ انت نرجسي زيادة ..والايجو عندك عالية اوى "
يحيي ينظر لها بعدم فهم ويقول " وده مرض خطير ؟"
نجوان بابتسامة " لا ..نرجسي يعنى بتحب نفسك زيادة اوى .علشان كده بتتصرف بالطريقة دى ..وبتتعدى على حقوق الاخرين وبتتخطى حدودك معاهم . "
يحيي ظل ينطر لها ببلاهة ثم يقول " وكل ده عرفتيه لوحدك ؟"
نجوان " طبعا ده صميم دراستى ..وعلى فكرة اللى عندك ده ليه علاج وانا ممكن اساعدك لو تحب "
يحيي يبتسم بمكر ويقول " ايوه جينا للجد .. انا تعبان وعايزك تعالجينى ..بس انتى ليه قاعده بعيد كده "
نجوان " لا . انا بحترم خصوصيتك البيولوجية "
يحيي بغباء " يا نهار اسود .. هو انا عندى كمان خصوصية بيولوجية ؟؟ يعنى من اول خمس دقايق نقعدهم مع بعض طلعت عندى نرجس وايجو وبيولوجية كمان ... ده انا صاحب مرض وانا مش واخد بالى .."
نجوان "هههههههه . لا ده مش مرض . كل واحد فينا حول جسمه دائرة بيولوجية او ( خصوصية بيولوجية ) يعنى 5سم مثلا حول جسمك كله, من حقك انك متحبش حد يخترقها او يتعدى عليها "
يحيي يزفر بغضب ثم يقوم من مكانه ويجلس بجانبها حتى يلتصق بها ثم يقول بنفاذ صبر " بصي بقي يا بت الناس علشان نعمر مع بعض انا وانتى حقولك على شوية حاجات تفهميها .. تنفذيها من غير نقاش .
اولا : اوعى تتكلمى معايا تانى بالغاز .يعنى اتكلمى في حاجة غير علم النفس اللى بتدرسيه ده .نجوان بتوتر ترفع اصابعها لتمسك بنظارتها .
يحيي " ثانيا : هاتى دى بقي ( مسك النظارة وخلعها من على وشها ) من اول ما شوفتك وعنيكى عجبتنى خالص .ليه بتخبيها بالنظارة . نظرك ضعيف نعملك ليزك تمام .
نجوان تحاول ان ترد عليه ..ولكنه لا يعطيها فرصة
.يحيي " ثالثا : وكمان انا اول ما سمعت صوتك وانتى بتغنى معرفتش انزل عنيكى من عليكى . وعلشان كده اوعى تفكرى انك تغنى قدام حد .ولا فى يوم من الايام تقوليلى انا عايزة ابقي مغنية "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
