روايه ولا فى الاحلام حبك .
في فيلا الاشقر .
نهى بفرحة " واخيرا يا بابا ..بيتنا حينور تانى .. ونرجع نحتفل فيه تانى زى زمان .. اخر مرة كان منور كده كان فى عيد ميلاد أشقر ..وكانت ماما اللى مجهزة كل حاجة "
حسن " الله يرحمها .. وانتى كمان طالعة ليها بتهتمى بكل حاجة .. كل ركن فى البيت بيفكرنى بيهم .. علشان كده معرفتش اعيش فيها بعد اللى حصل "
نهى " الله يرحمهم .. وحشونى اوى .. يااه لو ترجع الايام ونعيش كلنا مع بعض من تانى "
حسن " يا ريت يا بنتى .. بس اللى راح ما بيرجعش .."
نهى " طاب ما نقنع حسناء تيجى تعيش معانا هنا تانى زى زمان "
حسن " حسناء دلوقتى بقى ليها حياتها .. ولازم تعيش مع جوزها واولادها .. بصراحة جوزها ده راجل محترم اوى عمره ما منعها تزورنى .. ده دايما كان بيزورنى معاها وبيعاملنى زى والده .. الحمد لله اطمنت عليها وعلى اولاد حاتم زى ما انا مطمن عليكى مع امجد .. علشان لما اروح لحاتم وناهد الاقيهم مطمنين ومبسوطين ..ومش زعلانين منى .. كفاية زعلتهم منى كتير وهما عايشين .. "
قالها بدموع .نهى تحتضن والدها بدموع وتقول " متقولش كده يا بابا .. انت لو جرى ليك حاجة .. انا حموت نفسي وراك .. انا مش حعرف اعيش من غيرك يا بابا انت اللى باقي ليا .. اعيش علشان مين لو مش موجود معايا ..."
حسن " لا يا نهى .. اوعى اسمعك بتقولى كده تانى .. انا عايزة تبقي اقوى من كده .. يا بنتى كل واحد فينا ليه عمر .. لما بينتهى خلاص .. وانتى عندك اولادك وجوزك .. واولاد اخواتك وحسناء اللى من ساعة ما دخلت بيتنا بقيت اختك .ولو جرى ليا حاجة حتخلى بالها منك هى ومازن .. خليكوا دايما مع بعض ..ومتسبوش بعض ابدا .. لا فلوس ولا املاك تفرق بينكم .. انتى فهمانى "
نهى " متقلقش يا بابا .. احنا بنحب بعض اوى .. ومش حتفرقنا اى ماديات .. وكمان اولاد حاتم زى اولادى بالظبط مش حتخلى عنهم ابدا "
حسن " اولاد حاتم انا مش خايف عليهم ..بنت اخوكى بسامهى اللى خايف عليها .. متنسيش انها مالهاش حد غيرنا .. وكمان مالهاش ذنب فى اللى عمله ابوها "
نهى بصدمة " هو بسام عنده بنت ؟"
حسن " ايوه .. مراته كانت حامل .. واحنا مش عارفين .. مازن اللى قالى ولما طردنا بسام من البيت انا بقيت عاجز زى ما انتى شايفة .. وبعد كده حادثة حسناء وجوزها .. انشغلت عنها .. وبعد كده عرفت انها سافرت عند اخوها فى لندن وولدت هناك .. مازن كان بيقولى اخبارها بس اخر مرة لما سألت مازن عن اخبارها قال انها سابت اخوها ومش عارف هى فين دلوقتى .."
نهى " متقلقش يا بابا .. امجد معارفه كتير حقوله وهو حيتصرف .. امنيه طول عمرها طيبة واكيد بنتها حتطلع زيها , ان شاء الله حنوصلها .. وتيجى تعيش معانا كمان ..ولو بنتها حلوة حجوزها لابنى ."
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
