ولا في الاحلام. حبك

الحلقة الخاصة ال9

عند اشقر وحسناء .

اشقر ظل واقفا لدقائق ينظر لها غير مصدق ما يراه امام عينيه .. اما حسناء تهرب بعينيها عنه لا تنظر اليه صامتة لا تعرف ما تقول وفجأة تجد اشقر جلس امامها ثم احتضنها بشدة وقال بصوت هادئ فى اذنها" وحشتينى اوى "

حسناء هى الاخرى بادلته الحضن وقالت وهى على وشك ان تبكى "انا كنت حموت نفسي "

اشقر وهو يحتضنها بقوة اكثر واكثر " متبعديش عنى تانى ..انا حياتى ملهاش طعم من غيرك "

حسناء انفاسها تعالت بين يديه وقالت بصوت متألم (ااااه)

اشقر يبتعد عنها مسرعا ويقول بخضة " في ايه ؟ايه اللى بيوجعك ؟"

حسناء " انت ..حضنتنى جامد اوى كنت حتخنق"

اشقر ابتسم لها ثم احتضنها مرة اخرى بلطف ..ظلا كذلك على وضعهم لا يشعرون بالوقت ولا بالاشخاص ...وبعد فترة دخلت الدكتورة نهلة عليهم وما ان وجدتهم على هذا الحال انسحبت بسرعة للخارج ثم اغلقت الباب خلفها ودقت على الباب ودخلت مرة اخرى ..الا انهم مازالوا على نفس الوضع .

نهلة اقتربت منهم ثم ضربت بخفة على كتف اشقر وقالت بهزار "نحن هنا ..يا اشقر بيه "

اشقر يلتفت لها بابتسامة ويقول " اهلا ..اتفضلى "

نهلى " اتفضل فين ما انا دخلت وواقفة قدامكم اهو ...ولا انت قصدك انط وسطكم "

اشقر وحسناء يضحكون .ثم نهلة تقول بابتسامة وهى تنظر لحسناء" اظن انتى كده بقيتى زى الفل ..يلا مع السلامة بيتك بيتك .."

اشقر بفرحة " يعنى تقدر ترجع البيت النهاردة "

نهلة " اكيد ودلوقتى لو حبيت (ثم تنظر لحسناء وتقول )"انتى استحليتى الوضع ولا ايه ؟ يلا مع السلامة ..في مرضى كتير غيرك اولى بالسرير ده منك "

حسناء بضحك قامت مسرعة من مكانها ثم خلعت ملابس المستشفى التى كانت ترتديها ليتفأجأ اشقر انها مرتدية فستان في غاية الشياكة تحت ملابس المرضي التى كانت ترتديها 

نهلة بضحك على نظرات اشقر لزوجته " متستغربش .حسناء عايشة حياتها طبيعى جدا ..بتنزل وتتمشى في الجنينة .وبتلعب مع مازن .هى بتدخل الاوضة هنا بس وتنام على السرير لما انت تبقى موجود "

اشقر يبتسم بغيظ ثم يقترب منها ويمسك يديها ويقول " حنتحاسب لما نكون لوحدنا " ثم تحرك مسرعا ليخرج وهو ممسك بيديها

حسناء تضع يدها على بطنها وتقول " بشويش يا اشقر "

اشقر بقلق عليها " انا اسف ..خلاص " ثم يبطئ في مشيته.

حسناء قالت بتعب " لا انا مش قادرة امشى "

اشقر ينظر لنهلة ويقول " هى مالها ..تعبانة من ايه ؟"